Եթե չկա խաղաղության պայմանագիր, սահմանազատման մասին խոսելը ժամանակավրեպ է. Սեյրան Օհանյան
Այսօր Եռաբլուրում ԱԺ «Հայաստան» խմբակցության ղեկավար Սեյրան Օհանյանը լրագրողների հետ զրույցում ասաց, որ դժվար ու ցավալի օրեր ենք ապրում, քանի որ պատերազմից հետո դժվար է վերականգնվել, խոսել մեր ինքնիշխան պետության, մեր պետականության մասին:
«Ոչ միայն պատերազմում կրած պարտությունից հետո, այլ նաև նրանից հետո, որ այդ պարտությունների, անհաջողությունների շարանը շարունակական են դառնում նաև ՀՀ սահմանում: Արցախն այսօր փաստացի անկլավային շրջապատված վիճակում է գտնվում, իսկ ՀՀ սահմաններին թուրք-ադրբեջանական տանդեմը ամեն օր ինչ-որ նոր սադրանք է կազմակերպում, մխրճվել է մեր տարածք, և մեր երկրի իշխանություններն ի վիճակի չեն որևիցե հարց լուծել, դեռ ավելին, կարծում եմ, որ ներքին պայմանավորվածություններ ունեն և գնում են դեպի ադրբեջանական խաղաղության թեզի խաբկանք՝ չհասկանալով, որ մենք չենք կարող գնալ խաղաղության առանց որևիցե պայմանի, առանց պայմանագրի, առանց իրավապայմանագրային հենքի, առանց լուրջ ուսումնասիրությունների, առանց այսօրվա իրավիճակի գնահատականի տրման»,- ասաց Օհանյանը:
Նա նշեց, որ մենք հաճախ ենք եղել դժվարին պայմաններում, գոտեպնդվել ենք, հետո վերականգնվել, այսօր էլ պետք է նույնն անենք, սակայն գործող իշխանության հետ հույս կապելը դժվար է: Լրագրողներից մեկի հարցին, թե Թուրքիայից եկող ի՞նչ դրական ազդակների մասին է խոսում Նիկոլ Փաշինյանը, Օհանյանը պատասխանեց,
«Էրդողանի բարեկամներին կարելի է հարցնել, ՀՀ-ում ովքեր են իրենց մտերիմները, նրանց կարելի է հարցնել, թե ինչ ազդակներ կան»:
Ճշտող հարցին, թե ո՞ւմ պետք է հարցնել, նրա՞ն, ով խոսում է այդ ազդակների մասին, Օհանյանը դրական պատասխան տվեց: Անդրադառնալով՝ սահմանագծման հնարավոր աշխատանքներին՝ պատգամավորն ասաց.
«Մերթընդմերթ մամուլում, լրատվամիջոցներում մենք էլ ենք լսում, որ հենք է ստեղծվում սահմանագծման, սահմանազատման, բայց դելիմիտացիայի և դեմարկացիայի համար առաջին պայմանը խաղաղության պայմանագիրն է, եթե այն չկա, ապա խոսել այդ մասին ժամանակավրեպ է»,- պարզաբանեց ԱԺ «Հայաստան» խմբակցության ղեկավար Սեյրան Օհանյանը:
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Կասեցվել է Վանաձորի գազալցակայաններից մեկի հեղուկ գազի վաճառքը
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...