Այս մի կարմիր գիծն էլ անցանք․ Արցախի երաշխավորից, Արցախի վրա հարձակվnղի հասանք․ Թևան Պողոսյան
Արցախի վրա, բացի թշնամի ադրբեջա-թուրքական հարևաններից, երեկ տեղի է ունեցել նաև Հայաստանի գործող ուժային կառույցի հարձակում` ջարդելով դարպասը և գույք տանելով։ Այս մասին իր ֆեյսբուքյան էջում գրել է քաղաքագետ Թևան Պողոսյանը։
«Բոլոր դիվանագիտական և բարոյական նորմերով Արցախի Հանրապետության ներկայացուցչյան տարածքն Արցախն է։ Մեր Արցախն է։ Հուսամ, որ հայ ազգի համար Արցախը մերն է։ Բայց նորից կրկնեմ այդ տարածքը Արցախ է։ Այդ տարածքի ուղղությամբ որևէ գործողություն նշանակում է հարձակում Արցախի վրա։
Ստացվում է, որ Արցախի վրա, բացի թշնամի ադրբեջա-թուրքական հարևաններից, երեկ տեղի է ունեցել նաև Հայաստանի գործող ուժային կառույցի հարձակում` ջարդելով դարպասը և գույք տանելով։
Մի հատ պատկերացրեք նման բան ԱՄՆ, ՌԴ, կամ Ֆրանսիայի դեսպանատների կամ հյուպատոսական ծառայությունների վրա։ Հատուկ այդ երկրները նշեցի, որպես ԵԱՀԿ Մինսկի Խմբի համանախագահ երկրներ։
Այս մի կարմիր գիծն էլ անցանք։ Արցախի երաշխավորից, Արցախի վրա հարձակվողի հասանք։
Իրավացի էր մեր ազգային հերոսը` ասելով, որ կորցնելով Արցախը շրջելու ենք Հայոց պետականության վերջին էջը։ Դարպաս ջարդել՝ հայը հայի հետ բանակցել, խոսել, հոգ տանել, ... ասա որը ասես, որը մնա։ Հրաման կատարելը նույնպես պատիվ պետք է բերի, հատկապես երբ երթում եք տալիս, տղերք, տեսնես քանիսդ եք այդ դարպասը ջարդողներից Հայրենիքի Արցախյան սահմանին անցել ձեր պարտադիր զինվորական ծառայությունը և մի գուցե նույնիսկ հերոսություններ արել։ Վայ մեզ, այս ու՞ր հասանք։ Ո՞նց կարողացաք հարձակվել Արցախի վրա», - ասված է գրառման մեջ։
Իտալիայի արտգործնախարար. Մենք չենք կարող թույլ տալ, որ Կիևը ռմբակոծի Մոսկվան
Բագրատ Սրբազանը դժվար ընտրության առաջ է կանգնել
«Իշխանության յուրացման» գործով ՔՊ պատգամավորն է տեղեկությունը փոխանցել ուժայիններին
Տխրում ես, երբ փորձում ես լավ մարդկանց համոզես չմնան անցյալում. Քոլոյանը կարգադրել է ապամոնտաժել ժամ...
Երևանի քաղաքապետարանը զուգարանի փող ա գողացել․ Արթուր Չախոյան
Փաշինյանն անցել է ներքաղաքական «հարցեր լուծելու» իր սիրելի մեթոդին
Երևան` մուտքը կդառնա վճարովի՞
Գերտերությունների մրցակցությունը մտնում է Կովկաս
Զինվորականներին արգելել են կապի միջոցներից օգտվելը
Սամվել Բաբայանը խափանել է