Իսկ դուք գիտեի՞ք ինչքան ցածր է Նիկոլը
Քարվաճառը Ադրբեջանին նվիրելու օրը Նիկոլը կազմակերպում է Գագիկ Ծառուկյանին պատգամավորական մանդատից զրկելու գործողությունը: Իսկական հերոս: Իսկական քաջ առաջնորդ: Նույն օրը ՀՀ հպարտ կամ ոչ հպարտ քաղաքացիներից սարսափելով տեղաշարժվում է` փողոցները մի քանի շերտ փակելով:
Այսօր նա ժողովրդի, մեղմ ասած, ատելությանն արժանացած ԿԳՄՍ արդեն նախկին նախարար Արայիկ Հարությունյանին, որն արդեն ավելի շատ հայտնի է Դդում մականունով, նշանակում է գլխավոր խորհրդական, իսկ հետո բերման են ենթարկում հայտնի իրավապաշտպան Ավետիք Իշխանյանին:
Սրան հավելենք, որ Արցախում տեղի ունեցած խայտառակությունից, ողբերգությունից, արյունահեղությունից հետո նա շարունակում է կառչած մնալ իշխանությունից: Համաշխարհային պատմությունը նման աննամուսության, անարժանապատվության դրվագի դեռ չէր առնչվել:
Դե եթե Նիկոլը դեռ չի գիտակցում, որ իր ներկայությամբ ավելի ու ավելի մեծ վնաս է հասցնում Հայաստանի ներկային եւ ապագային, իր ներկայությամբ տրորում զոհերի հիշատակը, ապա հանրությունը պետք է իր վրա վերցնի նաեւ այդ խնդիրը եւ նրան հանգամանալից բացատրի, որ նա չի կարող ղեկավարել Հայաստանը, որ այսուհետ նա անգամ համատիրություն եւ փոքրիկ գյուղ չի կարող ղեկավարել;
Իսկ դուք մտածո՞ւմ էիք, որ Նիկոլն այսքան ցածր է:
Գեղամ Նազարյան
Top-News.am