Շփման գծում իրավիճակը համեմատաբար հանդարտվել է
Այս թեմայով
- Որքա՞ն ժամանակ կպահանջվի՝ արցախցիներին բնակարանով ապահովելու համար․ Գեղամ Նազարյան
- Ադրբեջանի մշակութային ցեղասպանության հերթական զոհն է դարձել ազգային գործիչ Ալեք Մանուկյանի արձանը
- Այսօր Արցախյան շարժման 36-ամյակն է
- «Արցախի կորուստ, համազգային ճգնաժամ. գոյապայքար ՀՀ պետականության համար». կայացել է «Հայ դատն այսօր» 15-րդ խորհրդաժողովը
Լեռնային Ղարաբաղում ուրբաթ օրը ադրբեջանական կողմի արկակոծության հետևանքով վիրավորված երեք հայ զինծառայողներից երկուսի վիճակը կայուն է, մեկինը՝ կայուն ծանր, «Ազատությանը» փոխանցեցին Ստեփանակերտի զինվորական հոսպիտալից։
Լեռնային Ղարաբաղի նախագահի աշխատակազմի ղեկավարի տեղակալ Դավիթ Բաբայանն էլ փոխանցեց, որ այսօր շփման գծում իրավիճակը համեմատաբար հանգիստ է եղել։ Ըստ նրա՝ ադրբեջանական կողմը շարունակում է խախտել զինադադարի ռեժիմը:
«Որևէ արտառոց իրավիճակ, իրադարձություն տեղի չի ունեցել, ամենօրյա է: Ճիշտ է, նրանք էլի խախտում են զինադադարի ռեժիմը, բայց ընդհանուր առմամբ՝ ոչինչ, ավելի նորմալ է», - «Ազատությանը» ասաց Բաբայանը:
Լեռնային Ղարաբաղի պաշտպանության նախարարության այսօր տարածած հաղորդագրության համաձայն՝ հուլիսի 2-8-ը Ղարաբաղի և Ադրբեջանի հակամարտ զորքերի շփման գոտում նկատվել է լարվածության աճ: Հակառակորդը հրադադարի պահպանման ռեժիմը խախտել է ընդհանուր առմամբ ավելի քան 300 անգամ՝ առաջնային գծի տարբեր հատվածներում կիրառելով նաև 60, 82 և 120 միլիմետրանոց ականանետեր, Դ-44 տիպի հրանոթներ ու նռնականետեր: Նախարարությունից նաև հաղորդում են, որ հուլիսի 4-ին ադրբեջանական զինուժն առաջին անգամ շփման գծի հարավային հատվածում կիրառել է այնպիսի զինատեսակներ, որոնք կիրառել էր նախորդ տարվա ապրիլյան ռազմական գործողությունների ժամանակ։