Խորհրդարանը հերթական արտահերթ նստաշրջանն է գումարել. Օրակարգում 14 հարց է (տեսանյութ)
ՀՀ Ազգային ժողովը այսօր՝ հուլիսի 15-ին հերթական անգամ արտահերթ նստաշրջանէ գումարել, այս անգամ ԱԺ պատգամավորների նախաձեռնությամբ:
Օրակարգում ընդգրկված է 14 հարց, մասնավորապես, ընդգրկված են հետեւյալ հարցերը.
- «Ազգային ժողովի կանոնակարգ» սահմանադրական օրենքում լրացումներ կատարելու մասին,
- «Բնակչության բժշկական օգնության եւ սպասարկման մասին» օրենքում լրացումներ կատարելու մասին,
- ՀՀ կենտրոնական բանկի խորհրդի անդամի ընտրություն,
- Տեսալսողական մեդիայի մասին (երկրորդ ընթերցում)
- Հայաստանի Հանրապետության ընդերքի մասին օրենսգրքում փոփոխություններ եւ լրացումներ կատարելու մասին,
- «Ռազմարդյունաբերական համալիրի մասին» Հայաստանի Հանրապետության օրենքում փոփոխություններ եւ լրացումներ կատարելու մասին,
- «Գույքի նկատմամբ իրավունքների պետական գրանցման մասին» Հայաստանի Հանրապետության օրենքում փոփոխություն եւ լրացումներ կատարելու մասին,
- «Գովազդի մասին» օրենքում փոփոխություն կատարելու մասին: