Ոոստիկանները ծեծելով սպանել են փողոցում պաշտպանիչ դիմակ չկրող տղամարդուն (տեսանյութ)
Մեքսիկայի երկրորդ ամենամեծ քաղաքում՝ Գուադալաջարայում, ոստիկանության դեմ զանգվածային բողոքի ակցիաներ են սկսվել. պատճառը իրավապահների կողմից մի տղամարդու դաժան սպանությունն է:
Ինչպես նշում է The Guardian-ը, ոստիկանները տղամարդուն ձերբակալել են հանրային վայրում կորոնավիրուսից պաշտպանող դիմակ չկրելու համար: Ձերբակալումից ժամեր անց նրան հայտնաբերել են ծեծված և սպանված:
Զոհը 30-ամյա Ջիովանի Լոպեսն է, որի ձերբակալության տեսանյութը հայտնվել է համացանցում: Նրա բարեկամներին ասել են, որ տղամարդուն ոստիկանական բաժանմունքից հիվանդանոց են տեղափոխել: Հարազատները հիվանդանոցում գտել են նրա դին: Դիահերձման արդյունքում պարզվել է, որ Լոպեսը մահացել է գլխին ստացած ուժգին հարվածից:
Դեպքից զայրացած ցուցարարները բախվել են իրավապահների հետ, այրել են ոստիկանական մեքենաներ, ներխուժել քաղաքապետարան: Նրանցից մեկը իրավապահին հրկիզելու փորձ է արել: Ոստիկանությունը ցուցարարների դեմ մահակներ և արցունքաբեր գազ է կիրառել:
COPS MURDERED GIOVANNI
— Sergio Beltrán-García (@ssbeltran) June 4, 2020
Giovanni López, 30yo day laborer arrested for not wearing a mask, criminalised by cops and brutally beaten to death bc he belongs to the Mexican racialized underclass.
ACAB EVERYWHERE
https://t.co/ifIhGkqFhm… #JusticiaParaGiovanni#JusticeForGiovanni pic.twitter.com/Qv617s5gWB