Անգելա Մերկել․ Ես օրական առնվազն մեկ անգամ ծիծաղում եմ
Հումորը կարեւոր դեր է կատարում քաղաքականության մեջ։ Այս մասին հայտնել է Գերմանիայի կանցլեր ԱՆգելա Մերկելը՝ պատասխանելով այն հարցին, թե ինչպես է նրան հաջողվում հաղթահարել սթրեսը, հատկապես գալիք ընտրությունների նախաշեմին, հայտնում է Politico-ն։
«Ես օրական առնվազն մեկ անգամ ծիծաղում եմ։ Այլապես չեմ կարողանա աշխատել»,- պատասխանել է Մերկելը՝ հավելելով, որ ինքը «երբեք մարդկանց թույլ չի տվել իրենից խլել իր արձակուրդը»։
Նա նաեւ անդրադարձել է Եվրոպայի ու ԱՄՆ-ի հարաբերություններին՝ նշելով, որ ԱՄՆ նախկին նախագահ Բարաք Օբաման իրեն ասում էր, որ ԵՄ-ն չի կարող մշտապես ապավինել ԱՄՆ կողմից ուժեղ աջակցության։ «Եվրոպացիները պետք է իրենք ստանձնեն պատասխանատվություն ու դադարեն ապավինել ԱՄՆ-ին»,- ասել է Մերկելը։