Ֆրանսիան համավարակի նախօրեին 1,7 մլրդ դիմակ է այրել` կարծելով, որ դրանք պետք չեն գա․ Times
Կորոնավիրուսի համավարակի նախօրեին Ֆրանսիան այրել է մոտ մեկ միլիարդ բժշկական դիմակներ և մոտ 714 միլիոն բարձր պաշտպանության FFP2 տեսակի դիմակներ, քանի որ իշխանությունները կարծել են, որ դրանք պետք չեն գա, գրում է Times-ը:
Հաղորդվում է, որ Ֆրանսիայում խոզի գրիպի և SARS դեմ պայքարելու համար պաշարել էին մեկ միլիարդ բժշկական դիմակներ և ավելի քան 700 միլիոն FFP2 տեսակի դիմակներ։
Սակայն մի շարք հետազոտությունների հրապարակումից հետո, որոնց համաձայն՝ այդ հիվանդություններն այդքան էլ վտանգավոր չեն, որքան մարդիկ կարծում են, իշխանությունները որոշում են կայացրել ոչնչացնել պաշարները։
Ֆրանսիան աշխարհում համավարակից առավել շատ տուժած երկրների շարքում է․ երկրում գրանցվել է կորոնավիրուսի 186 835 դեպք, որոնցից 28 714-ը՝ մահվան ելքով։