Տնտեսական դեպրեսիայի շրջանում համատարած գույքահարկ ներդնելը ոչ միայն անթույլատրելի է, այլև` մեծապես անբարոյական․ Հայկ Մարտիրոսյան
Քաղաքագետ, միջազգայնագետ Հայկ Մարտիրոսյանը ֆեյսբուքյան իր էջում գրառում է կատարել՝ անդրադառնալով ՀՀ կառավարության՝ համատարած գույքահարկ ներդնելու նախաձեռնությանը։ Նա մասնավորապես նշել է, որ այդ կերպ իշխանությունն անցել է անթույլատրելի մեթոդներով բյուջե լցնելու գործելաոճին։ Գրառումը՝ ստորև․
«Իշխանությունն անցավ անթույլատրելի մեթոդներով բյուջե լցնելու գործելաոճին:
Աղքատագույն երկրում համատարած գույքահարկ ներդնելը` հատկապես այս տնտեսական դեպրեսիայի շրջանում ոչ միայն անթույլատրելի է, այլև` մեծապես անբարոյական:
Այս իշխանությունը, չարաշահելով որպես կանխավճար իրեն տրված վստահության քվեն` անցնում է այդ քվեն տվողներին ստորացնելով պատժելուն և նրանց հաշվին իր տնտեսական ապիկարությունը ծածկելուն:
Հուսամ` կառավարության այս նախաձեռնություն-քայլը նոր խթան կհանդիսանա դեռևս չկողմնորոշվողների աչքերը բացելու և ներկաների դիմակը պատռելու համար»: