Մասնագետները պարզել են՝ երբ կսպառվեն Ռուսաստանի նավթի և գազի բնական պաշարները
Ռուսաստանի Դաշնության Հաշվեքննիչ պալատը պարզել է՝ երբ երկրում կսպառվեն նավթի և գազի բնական պաշարները, գրում է eadaily.com կայքը:
Ըստ այդմ՝ նավթի պաշարները կբավականացնեն դեռևս մոտ 35 տարի, իսկ բնական գազինը՝ ավելի քան 50 տարի: Սակայն այս կանխատեսումները չեն ներառում նոր հանքավայրեր հայտնաբերելու հավանականությունը: Խոսքը միայն առայսօր հայտնի հանքավայրերի ընդհանուր պաշարների մասին է:
«Նավթի հայտնաբերված և մշակվող հանքավայրերի պաշարները կբավականացնեն մոտ 35 տարի, սակայն եթե հաշվի չառնենք բարդ արդյունահանվող նավթի պաշարներ, ապա ժամկետը չի գերազանցի 20 տարին: Բնական գազի պաշարները կբավականացնեն ավելի քան 50 տարի, սակայն չոր գազի պաշարներն էականորեն ավելի քիչ են»,-ասվում է Հաշվեքննիչ պալատի զեկույցում:
Փաստաթղթում նշվում է նաև, որ նոր հանքավայրերի շահագործումը դանդաղում է անհրաժեշտ ենթակառուցվածքների բացակայության պատճառով: