Այսպե՞ս եք հարգում եւ սիրում բուժաշխատողներին
Գաղտնիք չէ, թե որքան ցածր է բժիշկների, հատկապես բուժքույրերի եւ սանիտարների աշխատավարձը: Հայտնի է նաեւ, որ նրանցից, մեղմ ասած, ոչ բոլորը ավտոմեքենա ունեն կամ ոչ բոլորի ընտանիքի անդամները ավտոմեքենա ունեն: Հայտնի է նաեւ, որ ցածր աշխատավարձ ստացողները չեն կարող իրենց թույլ տալ օրը երկու անգամ տաքսուց օգտվել:
Տրանսպորտի աշխատանքը դադարեցված է: Մտածե՞լ եք, թե բուժաշխատողներն ինչպես են հասնում աշխատանքի եւ աշխատանքից հոգնած տուն գնում: Դե իմացեք, նրանց մեծ մասը ավելի քան մեկ ժամ ոտքով քայլում է մինչեւ հասնի աշխատանքի եւ նույնքան էլ՝ տուն հասնելու համար: Ոմանց բախտը բերում է եւ ավելի քիչ են քայլում, բայց այսպե՞ս եք հարգում եւ սիրում բուժաշխատողներին:
Ստացվում է, որ նույնիսկ այդ սերն ու հարգանքն է կեղծ եւ ձեւական, ցուցադրական եւ հենց այնպես:
Top-News.am