Alibaba-ի սեփականատերը մեկ օրում իր կարողությունն ավելացրել է 2․8 մլրդ դոլարով
Չինական ինտերնետային հսկա Alibaba Group Holding-ի բաժնետոմսերի արժեքը 13 տոկոսով բարձրացել է, ինչի շնորհիվ ընկերության կապիտալիզացիան աճել է 42 մլրդ դոլարով, իսկ ղեկավար Ջեկ Ման, Ասիայի ամենահարուստ մարդը, ավելացրել է իր կարողությունը 2․8 մլրդ դոլարով, հայտնոմ է Ինտերֆաքսը։
Տարեսկզբից մինչեւ հիմա Ջեկ Ման հարստացել է 8․5 մլրդ դոլարով ու հիմա նրա կարողությունը գնահատվում է 41․8 մլրդ դոլար։ Bloomberg-ի տվյալներով, հիմա նա 14-րդ տեղն է զբաղեցնում աշխարհի ամենաունեւոր մարդկանց ցուցակում։
Նախօրեին Alibaba-ի ֆինանսական տնօրեն Մեգի Վուն հայտնել էր, որ ընկերությունն ընթացիկ ֆինանսական տարում ակնկալում է շահույթի ավելացում 45-49 տոկոսով։ Այսպիսով, ցուցանիշը կարող է հասնել 34․3 մլրդ դոլարի։
Alibaba-ն էլեկտրոնային առեւտրի ՝ Չինաստանում խոշորագույն հարթակների սեփականատերն է, որոնցից մեկն էլ Taobao-ն է։ Ընկերությունը այդ հարթակներում կապում է գնորդներին ու վաճառականներին՝ նրանց տրամադրելով զանազան ծառայություններ։ Alibaba-ին է բաժին ընկնում երկրում էլեկտրոնային առեւտրի շրջանառության մոտ 80 տոկոսը։