Ինչպես Հրազդանի քաղաքապետի անչափահաս որդին վրաերթի ենթարկեց եւ սպանեց 58-ամյա հրազդանցուն
Նախնական տվյալով, Հրազդանի քաղաքապետ Արամ Դանիելյանի անչափահաս որդու կողմից մահացու վրաերթի ենթարկված 58-ամյա Վալերի Թորոսյանը Հրազդանի բնակիչ էր, 4 երեխաների հայ:
Հրազդանում NEWS.am-ի թղթակիցը հաղորդում է, որ Վալերի Թորոսյանը երկար տարիներ աշխատել Հրազդանի արհեստագործական ուսումնարանում, իսկ վերջերս էլ աշխատանքի էր անցել Հրազդանի գազի վարչության գրասենյակում:
Ավելի վաղ հայտնել էինք, որ Կոտայքի մարզում հունիսի 8-ին, վրաերթ է տեղի ունեցել. ժամը 12։30-ի սահմաններոմ Nissan Teana մակնիշի 444 ԼԼ 70 համարանիշի ավտոմեքենայի վարորդը Հրազդան քաղաքում՝ Շահումյան փողոցում, վրաերթի է ենթարկել հետիոտնին։ Shamshyan.com-ի փոխանցմամբ, ավտոմեքենան հաշվառված է Հրազդանի քաղաքապետարանի հաշվեկշռում եւ սպասարկում է Հրազդանի քաղաքապետ Արամ Դանիելյանին, իսկ ավտոմեքենան վարել է նրա որդին՝ 17-ամյա Ռազմիկ Դանիելյանը։