Երկրի կողքով Էվերեստի մեծության կեսի չափով աստղակերպ կանցնի (լուսանկար)
Երկիր մոլորակի ուղղությամբ շարժվում է աշխարհի ամենաբարձր լեռան՝ Էվերեստի մեծության կեսն ունեցող աստղակերպ: Սակայն գիտնականների խոսքով` անհանգստության առիթ չկա, քանի որ մոլորակի հետ բախում չի լինի, հայտնում է Daily Mail պարբերականը:
52768 (1998 OR2) անունը կրող օբյեկտը 2,5-4 կմ լայնություն ունի: Այն շարժվում է ավելի քան 30 000 կմ/ժ արագությամբ:
Աստղակերպը հայտնաբերվել է 1998 թվականին՝ Միացյալ Նահանգների Օդագնացության և տիեզերական տարածության հետազոտությունների ազգային գործակալության` ՆԱՍԱ-ի կողմից: Նշվում է, որ այն Արևի շուրջ ամբողջական պտույտ է կատարում 1340 օրում:
ՆԱՍԱ-ի` Երկիր մոլորակի մերձակա օբյեկտների հետազոտականը կենտրոնը հայտնել է, որ տիեզերական մարմինը Երկրի կողքով կանցնի ապրիլի 29-ին: