Ի՞նչ տեսք է ունեցել Երկիրը 3,2 միլիարդ տարի առաջ
Ի՞նչ տեսք է ունեցել Երկիրը 3,2 միլիարդ տարի առաջ: Նոր հետազոտության տվյալները վկայում են այն մասին, որ մոլորակը ծածկված է եղել հսկայական օվկիանոսով եւ մայրցամաքներ չի ունեցել, հաղորդում է Americaru-ը:
Դրանք հայտնվել են ավելի ուշ, երբ սալերի տեկտոնիկան կեղեւի հսկայական մասերը վեր է հանել, եւ դրանք դուրս են եկել ծովերի մակերեւույթ: Գիտնականները նշաններ են հայտնաբերել, որ մեր մոլորակը նախկինում ջրային աշխարհ է եղել Ավստրալիայի հյուսիսարեւմտյան տարածքում:
Երկիրն ինչ-որ ժամանակ մագմայի տաք օվկիանոս է եղել, ապա պայմանները բավական սառն են դարձել, որպեսզի ջուրը սկսի կուտակվել, քանի դեռ ամբողջ մակերեսը չի ծածկվել դրանով՝ ասում է հետազոտության առաջատար հեղինակ Բենջամին Ջոնսոնը՝ Այովայի համալսարանի աշխարհագրական եւ մթնոլորտային գիտությունների ամբիոնի դոցենտը: