«Մանկական նոր ալիքում» Հայաստանն ու Ռուսաստանը կիսել են առաջին տեղը
Հունիսի 1-ին Ղրիմում կայացավ «Մանկական նոր ալիք–2017» երիտասարդ կատարողների միջազգային մրցույթի եզրափակիչ փուլը։
Մրցույթում առաջին տեղը կիսեցին Հայաստանի մասնակից Անահիտ Ադամյանն ու ռուսաստանցի՝ Արինա Պետրովան։ Երկու աղջիկներն էլ 13 տարեկան են։
Երկրորդ տեղը զբաղեցրեց Կուպեր Տալին՝ Իսրայելից, երրորդը՝ Եվգենի Բոյցովը՝ Ռուսաստանից։ Այս տարվա մրցույթին մասնակցում էին 13 կատարողներ՝ աշխարհի 11 երկրներից։
Անահիտ Ադամյանը՝ Իգոր Կրուտոյի Փոփ–երաժշտության ակադեմիայի սաներից է։ Անցյալ տարի Անահիտը, Մերի Վարդանյանի հետ զուգերգով, գրավեց երկրորդ տեղը՝ Մալթայում անցկացված «Մանկական Եվրատեսիլում»։
2016 թվականին «Մանկական նոր ալիքում» Հայաստանի ներկայացուցիչը՝ ութամյա Միխայիլ Գրիգորյանը Արցախից, գրավեց երկրորդ տեղը։