«Ժառանգությունը» ընտրություններին կմասնակցի դաշինքով
«Ժառանգություն» կուսակցությունն առաջիկա խորհրդարանական ընտրություններին կմասնակցի դաշինքով: Այս մասին այսօր՝ փետրվարի 3-ին, «Ժառանգության» ընդլայնված կազմով նիստից հետո լրագրողների հետ զրույցում ասել է կուսակցության փոխնախագահ Արմեն Մարտիրոսյանը: Նա նշել է, որ նիստի ընթացքում տեղի է ունեցել քվեարկություն եւ խորհուրդը որոշում է կայացրել ընտրություններին դաշինքով մասնակցելու, թե որ դաշինքին կմիանա կուսակցությունը, դեռ պարզ չէ:
«Վերջնական ճշգրտումների համար պաշտոնական որոշումներ դեռ չկան, բանակցողներ կան՝ խորհրդի կողմից լիազորված, եւ մենք վերջնական որոշում կկայացնենք»,-ասաց նա:
Արմեն Մարտիրոսյանը նշեց, որ կուսակցությունում կան անդամներ, որոնք կողմ են, որ առաջիկա ընտրություններին «Ժառանգությունը» առանց դաշինքի մասնակցի, որոնց թվում է նաեւ Զարուհի Փոստանջյանը, սակայն, քվերակության ընթացքում դաշինքով մասնակցելու որոշում է կայացվել: