Ամեն օր կարող եք մեկ ձու օգտագործել
Կարելի՞ է արդյոք օրական մեկական ձու ուտել։ Պարզվել է, որ կարելի է, ինչի մասին վկայում են American Journal of Clinical Nutrition-ում հրապարակված ՄաքՄասթերի համալսարանների անցկացրած հետազոտության տվյալները։
Գիտնականների խոսքերով՝ մարդկանց մեծամասնության համար վտանգ չի ներկայացնում օրական մեկական ձու օգտագործելը, եթե անգամ նրանց անամնեզում կան սրտի հիվանդություններ։ Այդ տվյալները հակասում են սնվելու մասին հին պատկերացումներին (որոնք առաջարկում են օրական ուտել առավելագույնը երեք ձու), սակայն համաձայնեցվում են ավելի ուշ արված գիտական հայեցակարգերի հետ։
Գիտնականներն ուսումնասիրել են 50 երկրներից ցածր, միջին եւ բարձր եկամուտ ունեցող շուրջ 177 000 մարդու՝ օգտագործելով 3 երկարատեւ հետազոտությունների տվյալներ։ Պարզվել է, որ օրական մեկ ձուն չի մեծացնում սրտանոթային հիվանդությունների կամ վաղաժամ մահվան ռիսկն անգամ անամնեզում այդ հիվանդությունների կամ դիաբետի առկայության դեպքում։
«Չի բացահայտվել կապ ձու օգտագործելու եւ արյան մեջ խոլեստերինի մակարդակի, դրա բաղադրիչների կամ ռիսկի այլ գործոնների միջեւ։ Այդ արդյունքները հուսալի են եւ լայնորեն կիրառելի ինչպես առողջ մարդկանց, այնպես էլ անոթային հիվանդություններով հիվանդների շրջանում»,-պատմել է հետազոտության առաջատար հեղինակ Մահշիդ Դեհգանը։
Ստացված արդյունքները հակասում են ավելի վաղ կատարված հետազոտությունների տվյալներին։ Սակայն, ինչպես բացատրել է գլխավոր հետազոտող Սալիմ Յուսուֆը, «այդ հետազոտությունների մեծամասնությունը ոչ այնքան ծավալուն էին եւ չէին ներառում մարդկանց մեծաթիվ երկրներից»։