Պետական բյուջեի հաշվին վարչապետի ընտանիքի անդամների համար մեքենա գնելու օրենք չկա
«Հատուկ պետական պաշտպանության ենթակա անձանց անվտանգության ապահովման մասին» ՀՀ օրենքի հոդված 6-ի «Հայաստանի Հանրապետության Նախագահի պետական պահպանությունը» մաս 2՝ «Հայաստանի Հանրապետության Նախագահի պաշտոնավարման ժամանակահատվածում պետական պահպանություն տրամադրվում է նաեւ նրա հետ համատեղ բնակվող եւ (կամ) նրան ուղեկցող ընտանիքի անդամներին»: Նույն օրենքի հոդված 12-ի «Լիազոր մարմնի պարտականությունները» կետ 4՝ «անհրաժեշտության դեպքում ապահովել այն ավտոտրանսպորտային միջոցի ուղեկցումը, որով երթեւեկում են պետական պահպանության օբյեկտները»: Ինչպես երևում է՝ այստեղ խոսք չի գնում պետբյուջեի հաշվին ընտանիքի անդամների համար մեքենա գնելու մասին, ինչը նշանակում է, որ վարչապետի խոսնակը կամ օրենսդրություն չգիտի կամ գիտի ու գիտակցորեն ապատեղեկատվություն է տարածել:
Վախթանգ Սիրադեղյանի ֆեյսբուքյան էջից