Ֆլորիդայում բացվել է կիթառի տեսքով աշխարհում առաջին հյուրանոցը
Հարավային Ֆլորիդայում բացվել է աշխարհում առաջին հյուրանոցը, որն ունի կիթառի տեսք: Նշվում է, որ Hard Rock ընկերությունը կառուցել է The Guitar Hotel հյուրանոցը Ատլանտյան օվկիանոսի ափին, գրում է Comments.ua-ն:
Հայտնի է, որ ծրագիրն արժեցել է 1,5 մլրդ դոլար:
Համալիրն ունի 137 մետր բարձրություն, 34 հարկ եւ 638 համար: Բացի այդ, այն ունի նավարկության, արհեստական լագունայում լողալու հնարավորություն, որը Hard Rock-ը կառուցել է հյուրանոցի հարեւանությամբ:
Շինարարները լուսային ձեւավորման համար օգտագործել են մոտ 2,3 մլն լուսադիոդային լամպ: Ժամը մեկ հյուրանոցում շատրվանների լուսային-երաժշտական շոու է տեղի ունենում, իսկ շենքի վերեւում լազերները կիթառի լարեր են պատկերում: