Այսօր՝ 23 հունվարի 2020թ., 00:00
Ինքնաթիռի ուղևորները կպչուն ժապավենով կապկպել են աղմկոտ կնոջը (տեսանյութ) Ինչպես է նախաճաշում Քարդաշյան-Ուեսթ ընտանիքը (լուսանկար) Կառավարությունը կտրուկ կրճատելու է Հայաստանում պոլիէթիլենային տոպրակների օգտագործման ծավալները Մյուս տարի մենք ոչ թե 271 մլն, այլ 570 մլն դրամ կծախսենք Ամանորի միջոցառումների համար. Նիկոլ Փաշինյան Գուցե վաղն էլ ասուլիս տա Տանզանիայո՞ւմ, որ մեր գործն ավելի բարդացնի Արդյոք սա Արցախին՝ որպես պետություն, տնտեսական վերջնագիր չէ՞ Հայտնաբերված խախտումները կասկածներ են առաջացնում Ադրբեջանում ժողովրդավարական ընտրությունների վերաբերյալ. զեկույց ԱՄՆ-ն արգելել է իրանցի ներդրողների եւ գործարարների ԱՄՆ տարածք մուտքը եւ մնալը Գյուղացուն գցեց ցեխը, կաթը վերջին ձեւով անպատվեց. Նորկեսարացի անասնապահը՝ վարչապետի ելույթի մասին Հայաստանը պատրաստ է շարունակել բանակցությունները Բաքվի հետ․ ԱԳ նախարար ԱՄՆ-ն ընդլայնում է երկրների ցուցակը, որոնց քաղաքացիներին կարգելվի մուտք գործել երկիր. Թրամփ «Ես սիրտ չունեմ». Մարգարիտա Սիմոնյանը հերքել է իր հոսպիտալացման մասին տեղեկությունները Չինաստանում տարածվող նոր կորոնավիրուսի հետևանքով մահացածների թիվը հասել է 17-ի Նազարբաեւի թոռը հայտարարել է իրեն սպանելու փորձերի մասին Նոր վիրուսը Չինաստանից Հայաստան չի հասել, հավաստիացնում է առողջապահության նախարարությունը «Գլխարկով հնարքի վարպետները». Թոփ 5 ֆուտբոլիստ, որոնք իրենց նորամուտի խաղում հեթ-տրիկ են արել Թուրքիայից բխող սպառնալիքները միանգամայն զգալի են Հայաստանի արտաքին քաղաքականությունում. ԱԳՆ Սահմանադրական փոփոխությունների նպատակն է լուծել ՍԴ հարցը, նաև՝ ուժեղացնել սեփական իշխանությունը. Ռուբեն Հակոբյան Կործանված ուկրաինական օդանավի սեւ արկղերի վերծանումը կկատարվի Իրանում Դոլարի փոխարժեքը նվազել է, եվրոյինը՝ բարձրացել «Միանշանակ պետք է անցնենք սպանդանոցային համակարգին». Փաշինյանը փոխզիջում առաջարկեց եւ ժամանակ տվեց Իրանը պատրաստ է կատարել միջուկային գործարքով նախատեսված իր պարտավորությունները․ Ռոհանի Հայաստանն ընտրվել է ՅՈՒՆԵՍԿՕ-ի կրթության միջազգային բյուրոյի խորհրդի եւ Գլխավոր կոնֆերանսի իրավական կոմիտեի անդամ Պարոն Փաշինյան,էս ի՞նչ ես խոսում ԱԺ ամբիոնից. Էդուարդ Շարմազանով «Կուտոյանի ընտանիքի անդամները պետք է լիարժեք համագործակցեն նախաքննության մարմնի հետ». Փաշինյան Արքայազն Հարին և նրա կինը սպառնում են դատի տալ պապարացիներին` Կանադայում արված լուսանկարի պատճառով Կլիմայական փախստականներին չի կարելի զրկել ապաստանի իրավունքից, եթե նրանց կյանքը վտանգված է․ ՄԱԿ Չարագործները 1 մլն ֆունտ ստերլինգով վաճառքի են հանել Շումախերի թարմ լուսանկարները. մրցարշավորդի կինը ոստիկանություն է դիմել Ճապոնիան պատրաստվում է մինչեւ 2030թ․ 6G թողարկել Տոտենհեմի ֆուտբոլիստներին ձանձացրել են Մոուրինյուի մարզումները Պամելա Անդերսոնը գաղտնի ամուսնացել է հոլիվուդյան պրոդյուսերի հետ Ո՞ր ալկոհոլային խմիչքներն են ամենաքիչ վնասակար Սթիվ Ջոբսի ուռուցքաբանը նշել է մեգապոլիսում առողջ ապրելու համար անհրաժեշտ կանոնները Կինը խոստովանել է, որ սպանել է իր երեք երեխաներին 80 սանտիմետրից մեծ իրան. վտանգավո՞ր է արդյոք սրտի համար Ryanair- ի օդանավը թռիչքն սկսելուց կարճ ժամանակ անց հետ է վերադարձել Նա «շատ բարկացած» աղջիկ է. Դոնալդ Թրամփը` Գրետա Տունբերգի մասին Ղազագիր. Երևի պլպլան, ողորկ ճաղատը դուրն եկել էր. Լևոն Ջավախյան Ռուստամ Բադասյան, Հայաստանում ներքին զորքեր չկան, Դուք «բանդաներով ե՞ք» սպառնում ժողովրդին. Վոլոդյա Հովհաննիսյան (տեսանյութ) Աչքիս՝ միայն սկոլիոզը չէ ՆԱՏՕ-ն պետք է ուժեղացնի իր ռազմական ուսումնական գործողությունն Իրաքում․ Սթոլթենբերգ Սա պայքար է ոչ թե քրեական աշխարհի դեմ, սա պայքար է թասիբով տղա տեսակի դեմ Ռուսաստանի ներկայացուցիչը հաղթել է «Միսիս Տիեզերք-2020» մրցույթում Մարգարիտա Սիմոնյանին շտապ տեղափոխել են հիվանդանոց Քաղաքապետարանի հավաքարարները բողոքում են. չեն ստացել 13-րդ աշխատավարձը Օղին 100 տոկոսով թանկացել է Ամբողջ սրտով շնորհակալ եմ․ Հենրիխ Մխիթարյան Մարիա Գեւորգյան․ Անպարտելիության զգացողություն չունեմ, պետք է փորձենք միջազգային մրցաշարերում ավելի լավ հանդես գալ Արարատ Միրզոյանը կարգապահական տույժ կիրառեց Ալեն Սիմոնյանի նկատմամբ Շուտով նույն ոստիկանության աշխատակիցներին հրահանգելու են մարդ ծեծել, հանրահավաքներ ցրել, և իշխանությունը պետք է ամեն կերպ ցույց տա, որ «ոստիկանը մերն ա» Փիղը թափառել է հյուրանոցի նախասրահում (տեսանյութ) Փաշինյանի զբոսաշրջային օգուտի հրճվանքի «մութ» կողմերը Հունաստանի նախագահի պաշտոնում առաջին անգամ կին է ընտրվել Եվրոպական ներդրումային բանկը կշարունակի խիստ սահմանափակել Թուրքիայի վարկերը Բելառուսի ներկայացուցիչը գլխավորել է ԱՊՀ երկրների տիեզերքի գծով միջպետական խորհուրդը Ինչո՞ւ Փաշինյանը «դուխ» չունեցավ հանդիպել անասնապահ «վարչապետներին». Շարմազանով Տպավորություն է ստեղծվում, թե դատարանը չի ուզում ողջ տեսնել Մանվել Գրիգորյանին. փաստաբան Համատարած են մարդկանց իրավունքների կոպիտ խախտումները. ՄԻՊ Գեորգի Կուտոյանի ատրճանակի վրա դեպքի օրը խլացուցիչ չի հայտնաբերվել Ինչպես հին իշխանության ժամանակ. խորհրդարանի նիստն ընթանում է գրեթե դատարկ դահլիճում Իշխանությունները փաստորեն արգելում են արժութային-դիլերական բրոքերային գործունեությունը Ինչպես է «Մարտի 1»-ի գործը հայտնվել փակուղում Արմավիր քաղաքում անհետացե՞լ է թարմ, տեղական միսը Հայաստանի պետական համակարգը կարևորագույն ոլորտներում տեղապտույտի մեջ է. «Ժառանգություն» կուսակցություն Մսավաճառներն ու անասնապահները առավոտյան փակել են Վարդենիս-Երևան միջպետական ճանապարհը ՀՀ ԱԱԾ նախկին տնօրենի մահվան հանգամանքների բացահայտումը իրավապահների պատվի հարցն է. ՀԿ Ռուստամ Բադասյանի ներկայացրած հայցն ընդդեմ Նարեկ Մալյանի՝ թերի է համարվել. դատարանը հետ է ուղարկել հայցը Ադրբեջանում պատգամավորական մեկ տեղին հավակնում է 12 թեկնածու Մահվան դատապարտված օրենքով գող Օթարի Կրասնոդարսկին փախուստի մեջ է Նորմերի խախտումներ ԱԳԼՃԿ-ներում, դիահերձման բաժանմունքներում. ԱԱՏՄ-ն ստուգումներ է իրականացրել Միացյալ Թագավորություն ԿԳՄՍ նախարարի և նրա տեղակալի գործուղումները ֆինանսավորել է Բրիտանական խորհուրդը. պարզաբանում «Իմ բաժին առաքելության հետեւից գնալու եմ». Արթուր Վանեցյան Ազգային ժողովում շատերն իրենց տեղում չեն. ՀԿ Կկարողանա՞ն արդյոք կենսաթոշակառուներն առանց բանկ այցելելու կենսաթոշակ ստանալ. օրինագիծ Գագիկ Խաչատրյանի որդին չի ձերբակալվել, նրան փողերի լվացման հոդվածով մեղադրանք չի առաջադրվել. հայտարարություն Հայաստանն ընդգրկվել է 2019 թվականին Վրաստանի խոշորագույն առեւտրային գործընկերների տասնյակում Երբ ոչինչ չի ստացվում կարելի է քանդել Հանրապետության հրապարակը Հայտնաբերվել է կրակված գնդակ. դատարանի պատուհանի ապակին վնասելու փաստի առթիվ ոստիկանությունում նյութեր են նախապատրաստվում Նիկոլ Փաշինյանը Բարձր տեխնոլոգիական արդյունաբերության նոր փոխնախարար է նշանակել Տրված պարգևավճարների գումարով ոչ միայն հնարավոր կլիներ մարզային ծննդատները զինել անհրաժեշտ տեխնիկայով, այլև կարելի էր ներգրավել նոր մասնագետների․ Մարինա Խաչատրյան (տեսանյութ)
Հարցում

Եղել եմ բարձրում, տեսել եմ նաև ցածրը. հիմա ուզում եմ հաճույք ստանալ ֆուտբոլից. Օզբիլիսը՝ Փյունիկ տեղափոխության մասին

 

Մի փոքր անիրական թվացող տեսարան է․ Ավանի ֆուտբոլի ակադեմիայի մարզադաշտում նստած՝ Արաս Օզբիլիսը պատմում է՝ ինչպես «Այաքսի» ակադեմիայի սանը որոշեց տեղափոխվել Հայաստանի առաջնություն, ինչ դժվարությունների է հանդիպել ֆուտբոլային կարիերա ստեղծելու ճանապարհին ու ինչն է ստիպել ամեն անգամ վեր կենալ ու առաջ քայլել ստացած վնասվածքներից հետո։

Այս խոսակցությունը ժամանակ առ ժամանակ ընդհատում են Ավանի ակադեմիայի երեխաները, որոնք մարզումից հետո, տեսնելով Օզբիլիսին, շտապում են նախքան տուն գնալը լուսանկարվել ֆուտբոլիստի հետ։ Իսկ Օզբիլիսը, որի հետ լուսանկարվելու առիթներ կունենանք արդեն ամեն շաբաթ, ոչ մեկին չի մերժում։

ArmSport.am-ը ներկայացնում է «Փյունիկի» նորեկ և Հայաստանի ազգային հավաքականի կիսապաշտպան Արաս Օզբիլիսի հետ իր հարցազրույցը։

- Ինչպե՞ս ստացվեց «Փյունիկ» տեղափոխությունը: Ի՞նչ հանգամանքներ հաշվի առաք առաջարկն ընդունելիս։

-Երկար ժամանակ խոսել եմ Ռոբերտ Արզումանյանի հետ, նրա հետ շփման մեջ եմ եղել։ Նա ինձ հարցնում էր՝ ուզո՞ւմ եմ գալ։ Ամենակարևոր հանգամանքն այն էր, որ ես ուզում էի գալ այստեղ։ Այլ տարբերակներ էլ ունեի, բայց կարծում եմ՝ իմ կարիերայի այս փուլում, այստեղ գալը լավ էր։ «Փյունիկը» մի թիմ է, որն ուզում է գնդակով խաղալ։ Ուստի, ուրախ եմ այստեղ լինելուս համար։

-Արդյոք սա հետքայլ չէ՞ր։

-Կարող եք այն որպես հետքայլ դիտարկել, բայց երբեմն կարող ես մի քայլ հետ անել, երկու քայլ առաջ անելու համար։ Ես իմ կարիերայում ամեն ինչ եմ տեսել․ թոփ-թիմեր, կարգով ցածր թիմեր։ Ես ուղղակի ուզում եմ բավականություն ստանալ ֆուտբոլից։ Դրա համար էլ երեխա ժամանակ սկսեցի ֆուտբոլ խաղալ ու այստեղ ևս եկել եմ դրանից բավականություն ստանալու համար։

-Իսկ ի՞նչ կտա այն Ձեզ կարիերայի աճի տեսանկյունից։

-Ամենակարևորը խաղեր ունենալն է։ Անցած տարի ես շատ չեմ խաղացել։ Ահա թե ինչու ուղղակի ուզում եմ խաղալ։ Իհարկե, որպես պրոֆեսիոնալ ֆուտբոլիստ՝ միշտ էլ մտածում ես կարիերայիդ մասին, թե որքան հեռու կարող ես գնալ։ Ինչպես արդեն ասացի՝ ես բարձրում եմ եղել, տեսել եմ նաև ցածրը․․․Ինձ համար ամենակարևորը ֆուտբոլից հաճույք ստանալն է։

-Հայաստանի առաջնության մասին ի՞նչ կարծիք ունեք։

-Կարծում եմ՝ վերջին տարիներին այն աճում է։ Երեխաների, դեռահասների համար լավ է, որ տեսնեն՝ ֆուտբոլը նորից մասսայականություն է վայելում այստեղ։ Այո՛, Հայաստանի առաջնությունն աճում ու զարգանում է։ Այն միայն ավելի լավը կարող է դառնալ։

-Տրանսֆերային պատուհանի ընթացքում խոսվում էր նաև Ձեր՝ Երևանի «Արարատ» տեղափոխվելու հավանականության մասին։ Բանակցություններ ընթացե՞լ են։

-Այո՛, բանակցում էի և՛ նրանց, և՛ «Փյունիկի» հետ ու ընտրեցի «Փյունիկը»։

-Ինչո՞ւ։

- (Մտածում է՝ հեղ․) Որովհետև ֆուտբոլի ոճը․․․նրանց գնդակով խաղը․․․ես ուղղակի այդպես զգացի։

-Հայկական այլ թիմերից առաջարկներ եղե՞լ են այս ընթացքում։

-Ոչ, ոչ, ոչ։ Ուրիշ ոչ մեկի հետ չեմ խոսել։

-Իսկ արտասահմանի՞ց։

-Այո, անկեղծ ասած, շատ տարբերակներ ունեի։ Նույնիսկ Եվրոպայից։ Կարող էի գնալ Ավստրիա, բայց ինչպես արդեն ասացի, ամենակարևորն այն էր, որ ես ուզում էի այստեղ գալ։

-Մտածում էիք՝ այդ թիմերում խաղաժամանակ չե՞ք ստանա։

-Ո՛չ, խաղալ-չխաղալու հարցը չէր։ Ես հիմա ընտանիք, երեխաներ ունեմ ու կարիերայիս, կյանքիս այս փուլում մտածեցի, որ այստեղ գալն ու այստեղ խաղալը լավ է, քանի որ կյանքում բացի ֆուտբոլից այլ բաներ էլ կան, իհարկե։

-«Բեշիքթաշ» տեղափոխվեցիք 2016 թվականին․ ինչպե՞ս ստացաք այնտեղ հանդես գալու առաջարկը։

-Եվրոպա լիգայի շրջանակում նրանք խաղում էին «Լոկոմոտիվի» հետ, Մոսկվայում էին, կապ հաստատեցին ինձ հետ, ուզում էին հանդիպել, ասացին, որ իսկապես ուզում են ձեռք բերել ինձ։ Խոսակցությունն այդպես սկսվեց։

-Թուրքական ակումբի առաջարկն ընդունելուց մտավախություն չունեի՞ք, որ հայ երկրպագուները կտրուկ կարձագանքեն դրան։

-Ո՜չ, եթե վախենայի, չէի գնա այնտեղ։ «Սպարտակն» ուզում էր բաց թողնել ինձ, ու ես, իհարկե, պիտի այլ տարբերակներ փնտրեի, իսկ «Բեշիքթաշը» մեծ ակումբ է։ Նրանք ինձ 4,5 տարվա պայմանագիր կնքելու հնարավորություն տվեցին, ու իմ այդ ժամանակվա կարգավիճակում ես արեցի այդ ընտրությունը։

-«Բեշիքթաշ» տեղափոխվելուց հետո վարձակալությամբ այլ ակումբներ տեղափոխությունները հետևեցին մեկը մյուսին․ ինչո՞ւ այդպես ստացվեց։

-Որովհետև մարզիչն այդ ժամանակ ինձ հնարավորություն չէր տալիս։ Ես վնասվածքից նոր էի վերականգնվել ու դժվար էր։ Նախորդ տարիներին երկար չէի խաղացել։ Հանգամանքների բերումով այդպես եղավ, այդպիսի բաներ լինում են ֆուտբոլում։ Դրա համար էլ հիմա ուզում եմ վայելել ֆուտբոլը։

-Փորձենք ամփոփել այդ թիմերում անցկացրած ժամանակները․

- «Ռայո Վալյեկանո»․ Բախտս մի քիչ չբերեց, որովհետև լավ էի սկսել այնտեղ, բայց մարզչի հետ որոշ խնդիրներ ունեցա ու ամեն ինչ վատացավ։ Հետո գնացի «Շերիֆ»։ Բայց, անկեղծ ասած, չգիտեմ՝ ինչու գնացի այնտեղ (ծիծաղում է՝ հեղ․)։ Գնացի, որովհետև Եվրոպայում տրանսֆերային պատուհանն արդեն փակվել էր, իսկ Մոլդովայում դեռ բաց էր։ Գնացի, որպեսզի մասնակցեմ եվրագավաթներին, բայց նախքան դրանք կմեկնարկեին «Բեշիքթաշն» ինձ հետ կանչեց։ Իսկ Մոլդովայի առաջնությունը Հայաստանինից լավը չէ։

«Վիլլեմ II»․ Հոլանդիայում նույնպես լավ սկսեցի, բայց խնդիրը վարձավճարով խաղացող լինելու մեջ է։ Դու ակումբի խաղացողը չես համարվում, դու վարձավճարով ես։ Եթե ամեն խաղի գոլ չանես, ինչ-որ բան կլինի․․․․Բացի դրանից, այդ ժամանակ «Վիլլեմ II»-ում մի խաղացող դուրս եկավ դաշտ, որը երկու շաբաթ վնասվածք ուներ։ Ես այն խաղացողը չեմ, որը մարզչի հետ կքննարկի, թե ինչու չի խաղում, բայց այդ ժամանակ ոչ միայն ես, այլև ողջ թիմն էր այդ կարծիքին։ Իսկ հաջորդ օրը այդ խաղացողին հանեցին թիմից, որովհետև չէր ուզում նոր պայմանագիր ստորագրել։ Իսկ ես այնտեղ նրա համար չէի, որ նստեի ու հետևեի ակումբի հաջողություններին։ Լավ իրավիճակ չէր։ Ես այնտեղ շատ խաղերի էի մասնակցել, բայց երբ սա տեղի ունեցավ․․․ իմ կարծիքով, ճիշտ չէր իմ ու թիմի հանդեպ։

-Սպասո՞ւմ էիք, որ այդ միջադեպից հետո ակումբն այդպես կտրուկ կարձագանքի ու կխզի պայմանագիրը։

-Սպասում էի, որովհետև մենք խոսել էինք այդ մասին։ Նրանք միակողմանի չէին խզել այն։ Իհարկե, պատճառն այդ միջադեպն էր, բայց խոսել էինք դրանից հետո։

-Այսինքն Դուք և՞ս ուզում էիք հեռանալ թիմից։

-Հենց այդպես։

-Մինչ «Վիլլեմ II»-ում խաղալը հանդես եք եկել հոլանդական հայտնի «Այաքսում»։ Կպատմե՞ք այդ ժամանակաշրջանի մասին։

-Ես 15 տարի եմ խաղացել «Այաքսի» ակադեմիայում։ Կարծում եմ՝ այն աշխարհի լավագույն ակադեմիաներից մեկն է։ Երկու տարի խաղացել եմ առաջին թիմում։ Այդ ժամանակ Ռուսաստան գնալու հնարավորություն ունեի։ Եվ արդեն ավելի երիտասարդ ժամանակ, երբ դեռ «Այաքսում» էի, ես լուրջ վնասվածքներ ունեի։ Ամեն օր Աստծուն շնորհակալություն եմ հայտնում, որ դեռ կարողանում եմ ֆուտբոլ խաղալ։ Շատ խաղացողներ կան, որոնք մեկ անգամ վնասվածք են ստանում ու այլևս չեն վերադառնում խաղադաշտ։ Բայց ես ամեն անգամ վերադառնում եմ ու ինձ հաջողակ եմ համարում։

- Իսկապես, կարիերայի ընթացքում վնասվածքները Ձեզ շատ են խանգարել։ Ի՞նչն է օգնել չհուսահատվել ու առաջ շարժվել։

-Ֆուտբոլի հանդեպ սերը։ Ինչպես ասացի՝ հարյուրավոր ֆուտբոլիստների անուններ կարող եմ ասել, որոնք մեկ անգամ վնասվածք են ստացել ու չեն վերադարձել նախկին մակարդակին։ Ես ամեն անգամ վերադառնում եմ ու ինձ հաջողակ եմ համարում։ Բայց ես պայքարում եմ դրա համար, այն ինքն իրեն չի ստացվում։ Երջանիկ եմ, որ դեռ կարողանում եմ վայելել ֆուտբոլը։

-Իսկ ինչպիսի՞ն է Թուրքիայի առաջնությունը։

-Լավ առաջնություն է։ Շատ լավ թիմեր կան այնտեղ։ Երկրպագուները խենթ են, ֆանատիկ։ «Բեշիքթաշի» երկրպագուներն աշխարհում հայտնի են։ Բայց ես այնքան էլ շատ չեմ խաղացել ու լավ բաներ շատ չեմ կարող ասել։ Բարձր մակարդակի առաջնություն է, բայց ցավոք, ես շատ չխաղացի այնտեղ։

-Դուք ծնվել եք Ստամբուլում, ապա Ձեր ընտանիքը տեղափոխվել է Նիդեռլանդներ։ Մի փոքր կպատմե՞ք Ձեր մանկության, այլ երկրում մեծանալու մասին։

-Ողջ աշխարհում շատ հայեր կան։ Ես Հոլանդիայում եմ մեծացել, այո, ու երբեմն ծնողներիս հարցնում էի՝ ինչու են Հոլանդիան ընտրել, այլ ոչ թե որևէ տաք երկիր։ Լավ մանկություն ենք ունեցել։ Մենք ո՛չ հարուստ ենք եղել, ո՛չ աղքատ։ Նորմալ էինք ապրում։ Ծնողներս ամեն ինչ արել են մեզ համար։ Ես նրանց ֆուտբոլով եմ հիմա շնորհակալությունս հայտնում ու այն ամենով, ինչ կարող եմ անել նրանց համար։

-Ինչպե՞ս որոշեցիք ֆուտբոլով զբաղվել։

-Երբ 4,5 տարեկան էի, հայրս ինձ տարավ ֆուտբոլի։ Այդ ժամանակ ընդունելությունը 6 տարեկանից էր։ Գնացինք մարզման, մարզիչն էլ ասաց, որ պիտի 6 տարեկան լինեմ դիմելու համար։ Հայրս խնդրեց, որ թույլ տան մեկ անգամ մարզվեմ՝ ասելով, որ ամեն օր լաց եմ լինում ու ուզում եմ մարզվել։ Հետո ես մասնակցեցի մարզմանն ու մարզիչն ասաց․ Լավ, կարող է մնալ։ Այդպես սկսվեց իմ կարիերան։

-Ձեր ծնողները պատմե՞լ են Թուրքիայում հայկական ընտանիք լինելու/մնալու դժվարությունների մասին։

-Իհարկե, իհարկե, ես ամեն ինչ գիտեմ։ Հիմա, իհարկե, տարբերությունը մեծ է անցյալի համեմատ։ Հիմա Թուրքիայում շատ տարբեր ազգություններ են ապրում․ հույներ, հայեր․․․միայն Ստամբուլում ավելի քան 20 եկեղեցի կա։ Մարդիկ տարբերություն չեն դնում։ Այստեղի ու այնտեղի հայերն իրար դժվար կհասկանան։ Չգիտեմ՝ ինչպես ճիշտ բացատրել։ Իմ ծնողներն, իհարկե, ունեցել են դժվարություններ, բայց հիմա դրանք չկան։ Հիմա 2019 թվականն է, այն ժամանակակից երկիր է, այնտեղ 100-ից ավելի ազգություն կա։

-Ֆուտբոլի բերումով տարբեր երկրներում եք ապրել։ Ինչպե՞ս է ընթանում տարբեր երկրներին, դրանց մշակույթներին ադապտացվելու շրջանը։

-Ֆուտբոլն ամենուր նույնն է․ 11-ը 11-ի դեմ։ Ֆուտբոլի փիլիսոփայությունն է այլ։ Հոլանդիայում լավ ակադեմիաներ կան, կարծում եմ՝ որպես ֆուտբոլիստ աճելու համար շատ լավ տեղ է։ Յուրաքանչյուր երկիր իր փիլիսոփայությունն ունի, բայց ամենակարևորն այն է, որ դու քո փիլիսոփայությունն ունենաս։ Եթե չունես՝ դժվար է։

Իսկ տարբեր երկրներում ապրելն ինձ համար հեշտ է, ես 6 լեզվով եմ խոսում, շատ արագ եմ ադապտացվում, ոչ մի խնդիր չեմ ունենում։ Ինքն իրեն ստացվում է։ Թիմակիցներդ օգնում են։

-6 լեզուները՝ հայերեն, ռուսերեն, անգլերեն, թուրքերեն, հոլանդերեն․․․

-Եվ իսպաներեն։

-«Ռայո Վալյեկանոյում»խաղալու ընթացքո՞ւմ եք սովորել իսպաներենը։

-Այո՛, նաև բրազիլացի, հարավամերիկացի ֆուտբոլիստների հետ խաղալու շնորհիվ։ Կատարյալ չեմ տիրապետում, բայց հաղորդակցվելու համար բավարար է։

-Ի դեպ, մի առիթով նշել եք, որ Ռուսաստանում անցկացրած ժամանակաշրջանը լավագույնն է եղել Ձեր կարիերայում։ Կպատմե՞ք այդ ժամանակների մասին։

-Շատ լավ ժամանակ եմ ունեցել «Կուբանում»։ Կարծում եմ նաև, որ «Սպարտակում» անցկացրածս երկրորդ տարին ևս հաջող էր, բայց այդ ժամանակ թիմը լավ հանդես չէր գալիս։ Մինչև ձմեռ լավ էր, մենք երկրորդ տեղում էինք, բայց դրանից հետո ցած իջանք ու որպես նոր տրանսֆեր՝ նրանք պետք է քննադատեին քեզ։ Ամեն դեպքում, ես շատ լավ ժամանակաշրջան եմ ունեցել այնտեղ։ Ինձ լիգայի լավագույն խաղացող էին ընտրել, երբ «Սպարտակում» էի։ Լավ ժամանակներ էին ինձ համար։

-Կցանկանայի՞ք նորից հանդես գալ Ռուսաստանի առաջնությունում։

-Հետ գնալու մի քանի հնարավորություն ունեցել եմ, բայց զգացի, որ հիմա ավելի լավ է այստեղ լինել։

-Ձեր ապրած/այցելած երկրներից ամենից շատ ո՞րն եք հավանել։

-Մի անգամ արձակուրդին Կուբա եմ գնացել։ Մեծ տպավորություններ եմ ստացել այդ երկրից, որովհետև այնտեղ մարդիկ ընդհանրապես ոչինչ չունեին, բայց ավելի երջանիկ էին, քան շատ այլ ազգեր։

-Ֆուտբոլային կարիերան ավարտելուց հետո կցանկանայի՞ք այնտեղ ապրել։

-Ապրե՞լ։ Չգիտեմ, որովհետև արձակուրդին այցելելն այլ է, ապրելը՝ այլ։

-Ե՞րբ առաջին անգամ եկաք Հայաստան։

-Հմմմ, կարծում եմ՝ 2009-ին էր առաջին անգամը։ Մեկ շաբաթ «Փյունիկի» հետ մարզվեցի։ Այդ ժամանակ Մինասյանն էր մարզիչը։ Դա իմ վնասվածքից հետո էր, միայն մեկ շաբաթ։ Այդ ժամանակ «Փյունիկը» նախկին մարզաբազայում էր մարզվում։ Իսկ դրանից հետո՝ 2011 թվականին, միացա Ազգային հավաքականին։

-Ի դեպ, լրագրողներից մեկն իր արխիվից այդ ժամանակներից լուսանկար էր գտել, որտեղ Դուք «Փյունիկի» մարզաշապիկով եք։ Տեսե՞լ եք այն։

- (Ծիծաղում է՝ հեղ․) Ես չէի տեսել, բայց Ռոբերտը Արզումանյան ցույց տվեց։

-Հայաստան ժամանելու առաջին օրվանից հետո ի՞նչ է փոխվել Ձեր զգացողություններում Երևան ժամանելիս։

-Ամեն անգամ այստեղ գալով՝ ինձ երջանիկ եմ զգում։ Ամեն անգամ ՀՀ օրհներգը լսելիս փշաքաղվում եմ։ Երջանիկ եմ, որ այստեղ եմ։ Հիմա այստեղ եմ ապրելու։ Նախկինում ամեն անգամ կարճ ժամանակով եմ եկել, որոշ ժամանակ անց, գուցե, կկարողանամ խոսել այդ տարբերությունների մասին։

-Երբ նոր էիք միացել Ազգային հավաքականին, լրագրողների հարցին, թե երբ կարող են Ձեզ հայերեն հարցեր տալ, ասացիք․ «Հիմա էլ կարող եք, ուղղակի ես չեմ հասկանա»։ Հիմա որքանո՞վ եք տիրապետում հայերենին։

- (Ծիծաղում է) Այո՛, այդպես էր։ Ես հիմա կարող եմ սահուն խոսել, ուղղակի լրագրողները գրական հայերենն են օգտագործում, արագ են խոսում, իսկ ես ավելի շատ փողոցի հայերենով եմ խոսում։

-Արա՛ս, հիմա ի՞նչ մարզավիճակում եք։

-Իհարկե, լավագույն մարզավիճակում չեմ, որովհետև երկար ժամանակ անհատական ծրագրով եմ մարզվել։ Միայն մեկ շաբաթ «Այաքսի» երկրորդ թմի հետ եմ մարզվել նախքան այստեղ գալս, որպեսզի մարզավիճակս պահեմ։ Պետք է մարզվեմ, ինձ ժամանակ է հարկավոր։

-Եվրո-2020-ի ընտրական փուլի առաջին խաղերին մեր հավաքականի կազմում էիք, դժվա՞ր է հիմա կողքից հետևել թիմին։

-Ոչ։ Իհարկե, միշտ ուզում ես խաղալ, բայց ես նրանց երկրպագում եմ թե՛ խաղադաշտում, թե՛ դրանից դուրս։

-Ե՞րբ պատրաստ կլինեք նորից օգնել հավաքականին։

-Հույս ունեմ՝ շուտով։

-Բոսնիա և Հերցեգովինայի հետ խաղին մարզադաշտից էիք հետևում խաղին։ Ասեք, որ ֆանտաստիկ էր։

-Այո՜։ Հիանալի էր։ Խաղը հիանալի էր, հաշիվը հիանալի էր, երկրպագուներն ապշեցնող էին։ Շատ լավ էր։

-Ի՞նչ շանսեր ունենք Եվրոյում։

-Իհարկե, շանսեր ունենք։ Ֆինլանդիայի դեմ խաղն ամենակարևորն է լինելու։

-Անկախ հավաքական հրավիրվելուց՝ շփվո՞ւմ եք թիմի տղաների հետ։

-Այո, այո։

-Ամենից շատ ո՞ւմ հետ եք մտերիմ։

-Բոլորը գիտեն, որ հատկապես կապված եմ Մարկոսի հետ։ Բայց բոլորի հետ էլ լավ հարաբերությունների մեջ եմ՝ Տիգրանի, Կառլենի, Յուրայի, Հենոյի, հավաքականի նախկին խաղընկեր Ռոբի․․․

-Մարկոսի ո՞ր հատկանիշներն են նրան Ձեր լավագույն ընկերը դարձրել։

-2009-ին, երբ առաջին անգամ եկա «Փյունիկ», նա այնտեղ էր խաղում ու այն քչերից էր, որ խոսում էր անգլերեն։ Նա ինձ շատ օգնեց։ «Կուբանում» միասին էինք խաղում։ Ռուսաստանում մի տարի իրար հետ ենք անցկացրել։ Ազգային հավաքականում միասին ենք։

-Եվ վերջում, կա՞ մի հարց, որ միշտ ցանկացել եք լսել լրագրողներից, բայց այդպես էլ չեն հարցրել։

-Ո՛չ (ծիծաղում է՝ հեղ․)


Աղբյուր` ArmSport.am

website by Sargssyan