Գիտնականները նշել են՝ ինչպես կարելի է նիհարել և քաղցած չմնալ
Բրիտանացի գիտնականները պարզել են, թե ինչպես կարելի է նիհարել՝ սննդի սովորական չափաբաժին ընդունելով: Ինչպես գրում է Life.ru-ն, ըստ գիտնականների՝ կարևորը ցածր կալորիականությամբ մթերքներ ընդունելն է:
Մարդկային օրգանիզմը ինքնուրույն կերպով պահպանում է որոշակի քաշը և հակված չէ այն կորցնելուն: Կարելի է, իհարկե, ավելի շատ էներգիա այրել, քան սպառել կամ նվազեցնել սննդի չափաբաժինները: Սակայն գենետիկաբանները կարծում են, որ մարդկանց մեծամասնությունն այդ դեպքում քաղցած է մնում և ձգտում է դեպի վնասակար ուտեստները:
Այդ իսկ պատճառով նշվում է, որ քաշի նվազեցման համար անհրաժեշտ չէ նվազեցնել ընդունվող սննդի քանակությունը, այլ պետք է փոխել որակը: Հարմար կլինեն օսլայի ցածր պարունակությամբ մթերքներ, ինչպես օրինակ՝ բրոկոլի, սմբուկ, ծնեբեկ, մրգեր և ամբողջական հացահատիկից պատրատված շիլաներ:
Սննդակարգում անհրաժեշտ է ներառել նաև բջջանյութի բարձր պարունակությամբ մթերքներ: Օրական անհրաժեշտ սննդային մանրաթելերի քանակը կազմում է 30 գրամ: