Ամերիկյան պարբերականը հաշվել է, թե «Գահերի խաղը» սերիալի 8 եթերաշրջաններում քանի կերպար է «մահացել»
«Գահերի խաղը» հեռուստասերիալի 8 եթերաշրջանների ընթացքում Երկաթե գահի համար պայքարում ցուցադրվել է 6887 կերպարի մահ, այդ թվում` մարդկանց, կենդանիների և վերածնվածների: Դիերը հաշվել է The Washington Post պարբերականը, գրում է Газета-ն:
Ըստ աղբյուրի՝ հերոսների մեծ մասը «մահացել է» Դրոգոն վիշապի պատճառով, որը սերիալի 8 սեզոններում այրել է 1426 կերպարի: Երկրորդ արյունարբու կերպարը Արյա Սթարկն է, որը «սպանել է» 1278 մարդու, երրորդը՝ Ռեյգար վիշապն է, որը 273 մահ է պատճառել:
WP-ն նշել է, որ «սպանությունների» մեծ մասը տեղի են ունեցել Հյուսիսային թագավորությունում՝ Վինտերֆելում, որտեղ «մահացել է» 3700 կերպար:
Նշվում է, որ ամենից հաճախ հերոսները «մահացել են» կենդանիների և վիշապների հարձակումից, և նման իրավիճակներում «սպանվել է» 1756 կերպար: