Փաշինյանը մի հսկայական շքախմբով գնաց Լյուքսեմբուրգ և Բրյուսել, որ Էնտգենի հետ ճաշի ու ԱլԳ անդամ երկրների ղեկավարների հետ ընթրի
«Իրավունքը» գրում է. «Բավականին հետաքրքիր պատկեր է ստացվում, երբ հետևում ենք վարչապետ Փաշինյանի՝ Լյուքսեմբոտգ և Բրյոաել կատարած այցին: Նախ՝ վարչապետը երևի մի 40 հոգանոց խմբով հասավ Լյուքսեմբուրգ: Ինչ-որ անհասկանալի հանդիպում ունեցավ մեծ դքսության կառավարության ղեկավար Քսավյե Բեթելի հետ, որից հետո, «Լյուքսեմբուրգի Պատգամավորների պալատի նախագահ Ֆերնանդ Էնտգենի անունից, ի պատիվ վարչապետ Նիկոլ Փաշինյանի, տրվել է ճաշ»: Հաջորդ կանգառը Բրյուսելն էր: Ըստ պաշտոնական լրատվության. «Նիկոլ Փաշինյանն Արևելյան գործընկերության անդամ երկրների ղեկավարների հետ մասնակցել է Արևելյան գործընկերության տասնամյակին նվիրված պաշտոնական ընթրիքին»:
Տպավորությունը սա է. Փաշինյանը մի հսկայական շքախմբով գնաց հասավ Լյուքսեմբուրգ և Բրյուսել, որ Էնտգենի հետ ճաշի ու Արևելյան գործընկերության անդամ երկրների ղեկավարների հետ ընթրի: Համենայնդեպս, բացի այդ ճաշից և
ընթրիքից, անհասկանալի է, թե ուրիշ ի՞նչ կոնկրետ նպատակ ուներ այս այցը, երբ Փաշինյանն անգամ Արևելյան գործընկերության տասնամյակին նվիրված նիստին չմասնակցեց: Ընդ որում, նա Բրյուսելում վերջերս էր եղել, և դժվար թե այս մի քանի օրվա ընթացքում ինչ-որ կարևոր հարցեր կուտակված լինեին, որը քննարկելու համար Փաշինյանը հերթական անգամ պետական փողերը վատներ ու հասներ Եվրոպայի խորքերը»,-գրում է թերթը:
Մանրամասները՝ թերթի այսօրվա համարում: