Առաջին անգամ ազատության մեջ. Ազատավանդակում գտնվող արջի ուրախությունը` ի տես ջրավազանի (տեսանյութ)
Ամբողջ կյանքում մի քանի քառակուսի մետր տարածությամբ վանդակում ապրած արջն օրերս «Վայրի բնության և մշակութային արժեքների պահպանման» հիմնադրամի ջանքերով դուրս է բերվել վանդակից:
Կենդանին այժմ գտնվում է ազատավանդակում, այս մասին տեղեկանում ենք հիմնադրամի հրապարակումից: Հրապարակված տեսանյութում արձանագրված է արջի՝ ազատավանդակում հայտնվելուց հետո ջրավազանում հայտնվելու պահին ցուցաբերած արձագանքը:
«Մենք աշխատում ենք այս կարևոր պահերի համար: Ամբողջ կյանքը փոքր վանդակում ապրած ու վերջերս փրկված 3 տարեկան արջի արձագանքը ջրավազանին: Շնորհակալ ենք մեր սիրելի հետևորդներին արջերի փրկության ծրագրին մշտապես աջակցելու համար»,- գրված է հրապարակման մեջ: