ԱՄՆ Կալիֆոռնիա նահանգում անհայտ անձը փորձել է հրդեհել մզկիթը
ԱՄՆ ոստիկանությունը հետաքննություն է սկսել Կալիֆոռնիա նահանգի մզկիթներից մեկում բռնկված հրդեհի առնչությամբ՝ այն բանից հետո, երբ շինության մոտ Նոր Զելանդիայի ահաբեկչական հարձակման հետ կապված գրություն է հայտնաբերվել, հաղորդում է CNN-ը:
Դեպքը տեղի է ունեցել կիրակի առավոտյան՝ Էսկոնդիդո քաղաքի մզկիթում: Ոստիկանության հաղորդման համաձայն՝ հրդեհը բռնկվել է առավոտյան աղոթքից առաջ, և այդ պահին մզկիթում 7 մարդ է գտնվել: Նրանց հաջողվել է մինչ հրշեջների ժամանումն ինքնուրույն մարել կրակը:
Հաղորդվում է, որ անհայտ անձը մզկիթի ավտոկայանատեղիում գրաֆիտիի տեսքով գրություն է թողել: Գրության բովանդակությունը չի հրապարակվում, սակայն, ըստ իրավապահ մարմինների, այն կապ ունի Նոր Զելանդիայի երկու մզկիթներում 50 մարդու կյանք խլած ահաբեկչության հետ:
Ներկա պահին դեպքի առնչությամբ կասկածյալ չկա: