Համաժողով Վատիկանում՝ նվիրված հոգևորականների շրջանում սեռական բռնությունների խնդիրներին
Վատիկանում մեկնարկել է ազգային եպիսկոպոսների մասնակցությամբ համաժողովը՝ նվիրված հոգևորականների շրջանում սեռական բռնությունների խնդիրներին:
Համաժողովի բացմանը ելույթ ունենալով՝ Կաթոլիկ եկեղեցու առաջնորդը հայտարարել է երկխոսության անհրաժեշտության մասին: «Եկեղեցին պետք է լսի զոհերին», - ասել է Հռոմի Ֆրանցիսկոս Պապը:
Ավելի վաղ Վատիկանի առաջնորդը առաջին անգամ հրապարակավ խոստովանել է հոգևորականների և եպիսկոպոսների կողմից միանձնուհիների նկատմամբ սեռական բռնությունների փաստերը: Ֆրանցիսկոսը նշել է, որ եկեղեցին չի կարող հերքել նման դեպքերը, և եկեղեցական ղեկավարությունը բավարար կամք ունի ավելի վճռական քայլեր ձեռնարկելու համար:
Հունվարի վերջին մեծ աղմուկ էր բարձրացրել ավստրիացի հոգևորական Գերման Գեյսլերի հրաժարականը, ով ագրեսիվ ոտնձգություններ էր իրականացրել գերմանացի միանձնուհիներից մեկի նկատմամբ: