«Սոյուզմուլտֆիլմ»-ը հայտնի մուլտհերոսներին նոր պատմություններով է ներկայացնելու
Այս տարի լրանում է «Սոյուզմուլտֆիլմ» կինոստուդիայի կողմից արտադրված «Դե, սպասիր», «Մաուգլի», «Մուլկա» և մի շարք այլ հայտնի խորհրդային մուլտֆիլմերի 50-ամյակը, ինչի առթիվ 2019թ.-ին մուլտֆիլմերը շարունակություն կստանան, գրում է РИА Новости-ն՝ կինոստուդիայի ղեկավար Յուլիանա Սլաշչևային հղումով:
«Հոբելյանական տարեթվերի ժամանակ մենք միշտ մտածում ենք, թե ինչպես մուլտֆիլմերին նոր կյանք հաղորդենք: Դրանցից ոմանք շարունակություն կստանան…: Չեմ ցանկանում փակագծերը շատ բացել, սակայն յուրաքանչյուր հոբելյանական կերպարի համար նոր պատմություն կստեղծենք»,- ասել է կինոստուդիայի ղեկավարը:
Նա ընդգծել է, որ կինոստուդիայի արտադրանքներն ուղղված են ոչ միայն երեխաներին, այլև մեծահասակ հանդիսատեսին՝ բերելով «Երեքը Պրոստոկվաշինոյից» հայտնի մուլտֆիլմի օրինակը: