Կապիկը 2-ամյա տղայի է առևանգել նրա հետ խաղալու համար (տեսանյութ)
Հնդկաստանում կապիկը երկուամյա երեխայի է առևանգել տնից, որպեսզի կարողանա խաղալ ինչ-որ մեկի հետ:
Ինչպես գրում է Daily Mail-ը, փողոցի անկյունում նստած կապիկը գրկել է տղային և հրաժարվում է նրան վերադարձնել: Փողոցով անցնող կինը, նկատելով երեխային, մոտենում է նրան՝ փորձելով փրկել տղային կապիկից, սակայն կենդանին թույլ չէր տալիս տանել երեխային:
«Որտեղի՞ց ես վերցրել երեխային, թող նրան տուն տանեմ», - լսվում է կնոջ ձայնը: Կնոջ ձայնը լսելուն պես կապիկն ամուր գրկում է գետնին նստած փոքրիկին՝ թույլ չտալով մոտենալ նրան:
Կապիկը, թվում է, խաղում է երեխայի հետ և մտադիր չէ վնասել նրան, թեև երեխան չի հասկանում, թե ինչ է կատարվում իր շուրջը: Աղբյուրը չի նշում, թե ինչպես է ավարտվում երեխայի համար պայքարը: