Խորհրդավոր միլիոնատերը ցանկանում է սար գնել` անսպասելի հուշարձանի վերածելու համար
Շքեղ իրերի առցանց վաճառքով զբաղվող կայքը վերջերս հայտնել է, որ խորհրդավոր միլիոնատերն իրենց է դիմել արտասովոր խնդրանքով:
Ինչպես ներկայացնում է Oddity Central-ը, միլիոնատերը ցանկություն է հայտնել սար գնել Մեծ Բրիտանիայում, որի վրա կկարողանա քանդակել իր ընտանիքի անդամների դեմքերը՝ Ռաշմոր լեռան օրինակով:
Ըստ նրա պահանջի` ժայռը պետք է այնքան մեծ լինի, որ դրա վրա տեղավորվեն իր, ինչպես նաև կնոջ, երեք երեխայի և ընտանիքի շան դիմապատկերները: Տղամարդը, որի անունը չի նշվում, մտադիր է մինչև 15,5 մլն դոլար վճարել միայն լեռը ձեռք բերելու համար: Իսկ փորագրող վարպետների համար նա պատրաստ է հատկացնել առանձին գումար:
Վաճառք իրականացնող կայքը, հարմար տարբերակ չունենալով առաջարկելու իր մշտական հաճախորդին, դիմել է հանրության օգնությանը՝ փորձելով գտնել նման ժայռ ունեցող մեկին, ով կցանկանա վաճառել այն: