Թոշակառու բլոգերը YouTube-ում 2 օրում 1,5 մլն բաժանորդ է ձեռք բերել (տեսանյութ)
Թոշակառու Նելսոն Իզայաս Պապինյոն յուրօրինակ տեսանյութերի շնորհիվ վերջերս հայտնի է դարձել YouTube տեսահոսթինգում:
Տղամարդն իր տեսաալիքը ստեղծել է 2017թ.-ի վերջին և սկսել տեսանյութեր հրապարակել այգեգործության, տնային գործերի ու կենցաղային թեմաներով:
Հունվարի վերջին Նելսոնի բաժանորդների թիվը 7000 է եղել, իսկ այժմ նա արդեն 2,5 մլն բաժանորդ ունի, և այդ թիվը շարունակում է աճել:
Բանն այն է, որ տղամարդը սկսել է տետրի մեջ գրառել իր բոլոր բաժանորդների անունները և նրանց անուն առ անուն շնորհակալություն հայտնել իր տեսաալիքին հետևելու համար:
Երևում է՝ կայքի օգտատերերը գնահատել են բարեհոգի ծերուկին, քանի որ փետրվարի 3-ին նրա տեսաալիքին միանգամից 700 հազար մարդ է բաժանորդագրվել, իսկ մեկ օր անց՝ ևս 800 հազարը: