Ադրբեջանի ԱԳՆ-ը չի կարողանում հասկանալ Նիկոլ Փաշինյանի տրամաբանությունը
Նիկոլ Փաշինյանի տրամաբանությունը դժվար է հասկանալ՝ ասվում է Ադրբեջանի ԱԳՆ հայտարարության մեջ՝ պատասխանելով վարչապետի այն մեկնաբանությանը, թե «տարածքների փոխանակում խաղաղության հետ» բանաձեւը նույնիսկ քննարկվել չի կարող՝ հայտնում է «Ինտերֆաքս-Ադրբեջանը»։
«Պարոն Փաշինյանի տրամաբանությունը դժվար է հասկանալ։ Ինչպես հայտնի է, ԵԱՀԿ Մինսկի խմբի հովանու ներքո Լեռնային Ղարաբաղի հակամարտության կարգավորման բանակցությունների հիմքում ընկած է հենց Ադրբեջանի օկուպացված տարածքներից հայկական զորքերի դուրսբերումը։ Այդ դեպքում հարց է բարձրանում՝ չի՞ նշանակում արդյոք պարոն Փաշինյանի դիրքորոշումը բանակցություններից հրաժարում»,- ասվում է հայտարարության մեջ։