ՊԵԿ նախագահի նկատմամբ պետք է հայտարարվի քրեական հետապնդում՝ կոռուպցիոն և հարկային հանցագործությունների համար (Տեսանյութ)
«ՊԵԿ-ը պատժում է երկրում կոռուպցիոն և հարկային հանցագործությունների վերաբերյալ ՀՀ Վարչապետին տեղեկություններ տրամադրողներին ». այս մասին նշեց փաստաբան Տիգրան Հայրապետյանը՝ լրագրողների հետ հանդիպման ժամանակ: Բանն այն է, որ 2018 թվականի հունիսի 1-ին ՊԵԿ օպերատիվ հետախուզության վարչության պետ նշանակված և ընդամենը մեկ ամիս պաշտոնավարած Կարեն Կարապետյանի նկատմամբ ՊԵԿ-ը նշանակել էր ծառայողական քննություն, որից հետո ՊԵԿ նախագահը բանավոր կասեցրել էր Կարեն Կարապետյանի գործունեությունը. այս մասին նշեց Կարեն Կարապետյանի ներկայացուցիչ, փաստաբան Տիգրան Հայրապետյանը՝ ընդգծելով, որ պատճառը եղել է Կարեն Կարապետյանի կողմից հարկային հանցագործությունների սխեմաների բացահայտումը և
վարչապետին ներկայացնելը: Ըստ Տիգրան Հայրապետյանի բացահայտված կոռուպցիոն սխեմաները մեծ առումով վնաս են հասցրել տեղական արտադրողին, ստեղծել անհավասար մրցակցային պայմաններ և պարարտ հող հանդիսացել՝ բյուջեից միլիարդավոր գումարների մսխման համար: Այս մասին Կարեն Կարապետյանը ժամանակին ահազանգել է հանրապետության վարչապետ Նիկոլ Փաշինյանին, սակայն գործին ընթացքտալու փոխարեն ՊԵԿ վերադասը փորձել է այսպես ասած՝ հաշվեհարդար տեսնել Կարեն Կարապետյանից՝ ՊԵԿ գաղտնիք հանդիսացող փաստերը վարչապետին ներկայացնելու համար: Ըստ փաստաբանի ստուգումների արդյունքում բացահայտված կոռուպցիոն սխեմաների հիմքով պետք է հարուցվի քրեական գործ, իսկ ՊԵԿ նախագահի նկատմամբ հայտարարվի քրեական հետապնդում:
Մանրամասները՝ տեսանյութում