Մեղավորի փնտրտուք
Այս թեմայով
- Ամեն մարդ իր կյանքը չի զոհի իր ընկերների համար¸ մանավանդ՝ էս թվին. Իսպիրյանը՝ «Հաց բերողի» մասին (Տեսանյութ)
- «Հաց բերողի» հիշատակին նվիրված ակցիան ավարտվեց. այն լարված անցավ. եղան փոքրիկ բախումներ
- «Հաց Բերողի» հուղարկավորության քաղաքացիական հանձնախումբ է ձևավորվել
- Հաց բերողին սպանող իշխանությունն իրավունք չունի վերարտադրվելու
Երեկվանից ակտիվ հանրային շրջանակները մամուլում եւ սոցիալական ցանցերում փորձում են գտնել մեկ հարցի պատասխան՝ ով է մեղավոր Հաց բերողի մահվան մեջ:
Մեկ անձի մեջ մեղավորություն տեսնելը բնորոշ է պարզունակ հասարակություններին:
Հարցն ունի երկու կողմ՝ իրավական եւ բարոյական: Իրավական առումով ուղիղ պատասխանատվություն է կրում դատախազությունը, ուղիղ պատասխանատվություն է կրում ՀՔԾ-ն եւ կոնկրետ քննչական խմբի ղեկավար Էդիկ Հակոբյանը եւ ուղիղ պատասխանատվություն է կրում դատարանը (տվյալ դեպքում դատավոր Արթուր Մկրտչյանը):
Բարոյական առումով՝ ուղիղ պատասխանատվություն է կրում գործող իշխանությունը: Այն իշխանությունը, որի օրոք հնարավոր եղավ Հաց բերողի մահը: Իրավական առումով սա մահ է, իսկ հանրային գիտակցության մեջ՝ բարի համբավ ունեցող մարդու սպանություն:
Մենք լուրջ հետեւություններ պետք է անենք, եւ առաջին հերթին ապրիլի 2-ին: Մենք ունենք հնարավորություն ընդամնեը 15 օր հետո լուծելու Հաց բերողի մահվան իրավական և բարոյական խնդիրը:
Top-News.am