ԵԱՏՄ երկրներում ապրանքները մակնշումներ կունենան
ՌԴ-ն վավերացրել է ԵԱՏՄ տարածքում ապրանքների մակնշման մասին օրինագիծը: ՌԴ ֆինանսների նախարար Ալիխան Սմայլովը նշել է, որ համաձայնագիրը ստորագրվել էր դեռ 2018 թվականի փետրվարի 2-ին, Ալմաթիում:
«Հիմնական նպատակն ապրանքաշրջանառության օրինականացումն է, սպառողի իրավունքների պաշտպանությունը, ստվերային տնտեսության նվազումը, հարկային մուտքերի ավելացումը երկրի բյուջե, ԵԱՏՄ տարածքում գործարար պայմանների հավասարեցումը»,- ասել է Սմայլովը:
Նշվում է, որ ապրանքների մակնշում կատարվելու է թե՛ ԵԱՏՄ տարածք ներկրված, և թե՛ այդտեղ արտադրված ապրանքների վրա:
«Դա ընդունված պրակտիկա է, և միանգամայն հաջողությամբ գործածվում է ԱՄՆ-ում, ԵՄ տարածքում, Չինաստանում: Կարծում եմ, որ յուրաքանչյուր ապրանքի մակնշումը և դրա նկատմամբ վերահսկողությունն արտադրողից մինչև սպառող տնտեսության թվայնացման կարևոր գործիքներից մեկն է: Այն չի պահանջի պետական բյուջեից լրացուցիչ հատկացումներ»,- եզրափակել է նախարարը:
Համաձայնագիրը չի ենթադրում մակնշում, եթե ապրանքներն արտադրված են ԵԱՏՄ տարածքից դուրս արտահանման համար կամ ներկրված են ֆիզիկական անձանց կողմից սեփական կարիքների համար: