Ոստիկանը փրկել է հրդեհվող տան երկրորդ հարկից ցատկած երեխային (տեսանյութ)
ԱՄՆ Տեխաս նահանգի Դալաս քաղաքում ոստիկանին հաջողվել է բռնել հրդեհվող տան երկրորդ հարկից ցատկած երեխային:
Ինչպես գրում է Kxan.com-ը, հրդեհի մասին ահազանգ ստացած ոստիկանները, դեպքի վայր ժամանելով, հայտնաբերել են, որ կրակն ամբողջովին պատել է դեպի երկրորդ հարկ տանող աստիճանը, իսկ տանը մնացած մայրն ու որդին չեն կարողանում ապահով դուրս գալ: Փրկարարներն ու ոստիկանները բղավելով հորդորել են կնոջը բացել պատուհանը, սակայն դա նրան չի հաջողվել:
Ի վերջո, ոստիկաններից մեկը, փայտե մահակն օդ նետելով, կարողացել է կոտրել պատուհանը: Ոստիկանները համոզել են ներսում գտնվող 10-ամյա տղային նետվել պատուհանից. բարեբախտաբար, նրանցից մեկին հաջողվել է բռնել երեխային:
Ներքևում հայտնվելուն պես տղան հարցրել է մոր մասին, ոստիկանները փաթաթել են նրան ծածկոցով ու ասել, որ մայրիկի հետ ամեն ինչ լավ կլինի:
Րոպեներ անց դեպքի վայր են ժամանել հրշեջ-փրկարարները և արագ պատուհանին մոտեցրել փրկարարական սանդուղքը: