Նեպալցի ավտոբուսի վարորդի լեզվի ճկունությունը զարմացրել է համացանցի օգտատերերին (լուսանկարներ, տեսանյութ)
Նեպալի դպրոցներից մեկի վարորդը սեփական ճակատը լիզելու անսովոր ունակության շնորհիվ Գինեսի ռեկորդների գրքում գրանցվելու հույս ունի, հաղորդում է Daily Mail-ը:
35-ամյա Յագյա Բահադուր Քաթուվալի խոսքով՝ իր լեզուն աշխարհում ամենաերկարն է: Նա կարողանում է հոնքերը լիզելիս ստորին շրթունքով ծածկել քիթը:
Յագյայի ընկերներից մեկը համացանցում է տեղադրել տղամարդու անսովոր «տաղանդը» ցուցադրող տեսանյութը, ինչի շնորհիվ նա հայրենի Ուրլաբարի քաղաքում ճանաչված է դարձել:
«Եթե ես նկարահանվեի սարսափ ֆիլմում, մարդկանց վախեցնելու համար շպարի կարիք չէի ունենա», - ասել է Յագյան:
Այնուամենայնիվ, նա թույլ չի տալիս, որ մարդկանց բացասական կարծիքը վրդովեցնի իրեն:
«Իմ կարծիքով՝ այսպես հրաշալի տեսք եմ ունենում», - հավելել է դպրոցական ավտոբուսի վարորդը:
Պուսկար Նեպալը, որը նկարահանել է Քաթուվալի անսովոր հնարքը, ասել է, որ վերջինս ֆիզիկապես և հոգեպես քաջառողջ է, նա վաղ տարիքից է բացահայտել ճակատը լիզելու ունակությունը:
«Նա միայն մեկ ատամ ունի, այդ իսկ պատճառով էլ կարողանում է իրականացնել հնարքը», - ասել է Նեպալը: