5 պատճառ՝ Կապան այցելելու համար. ՄԻՐ 24-ի ռեպորտաժը
ՄԻՐ 24 հեռուստաալիքի ռեպորտաժում ներկայացվել է 5 պատճառ, թե ինչու պետք է գնալ Սյունիքի մարզկենտրոն Կապան քաղաք, որը գտնվում է Ողջի գետի կիրճում։
Ինչպես նշվում է ռեպորտաժում, Կապան գնալու առաջին պատճառը «Սյունիքի դարպասները» հուշարձանը տեսնելն է։ Այստեղ շատ ցուրտ է, և միշտ սառը քամի է փչում։ Հուշարձանը գտնվում է ծովի մակարդակից 2400 մ բարձրության վրա։ Հուշարձանի երկրորդ հատվածը երևում է քաղաքից դուրս գալուց հետո՝ Իրանի հետ սահմանին։
Երկրորդ պատճառը Սյունքի խորհրդանիշը համարվող Խուստուփ լեռը տեսնելն է։
Պատճառ երրորդ՝ տեսնել անտառի մեջ կորած Վահանավանքը՝ մենաստան, որը գտնվում է Կապանից 7 կմ հեռավորության վրա։ Այն Սյունյանց իշխանների դամբարան է հանդիսանում։ Մենաստանը կառուցվել է 911 թվականին։
Պատճառ չորրորդ՝ տեսնել Քսաջուր աղբյուրը, որը հայտնի է իր բուժիչ ջրով՝ ընդունակ բժշկելու մաշկային մի շարք հիվանդություններ։
Պատճառ հինգերորդ՝ փորձել ավանդական ուտելիքներ, ինչպես օրինակ՝ խաշիլ։