Ամերիկացի քաղաքապետը դարձել է մարիխուանայի առաջին օրինական գնորդը Մասաչուսեթսում (Տեսանյութ)
Ամերիկյան Նորթհեմփթոնի քաղաքապետ Դևիդ Նարքուիքսը դարձել է մարիխուանայի առաջին օրինական գնորդը Մասաչուսեթս նահանգում:
Ինչպես հայտնում է Life.ru-ն՝ հղում անելով ամերիկյան աղբյուրին, գնումից հետո խանութի աշխատակիցները քաղաքապետին խորհուրդ են տվել չշտապել այն օգտագործելու հարցում, ինչին ի պատասխան քաղաքական գործիչն ասել է, որ մտադիր է այն պահպանել որպես «պատմական կարևոր իրողության» փաստ:
Նահանգում ընդունված օրենքի համաձայն՝ մարիխուանայի պարունակությամբ պատրաստի ծխախոտները, տերևները, քաղցրավենիքը կամ յուղը կարող է գնել 21 տարին լրացած յուրաքանչյուր անձ:
Խանութները մեկ գնորդին իրավունք ունեն վաճառելու բույսի մեկ ունցիայից (28.3 գրամ) ոչ ավել կամ ուտելու համար նախատեսված արտադրանքի 20 բաժին: Բացի դրանից, ապրանքի փաթեթավորումն այնպիսին պետք է լինի, որ այն չկարողանան բացել երեխաները:
Հիշեցնենք, որ Մասաչուսեթս նահանգի երկու քաղաքում բացվել են ոչ բուժական նպատակով մարիխուանա վաճառող առաջին խանութները: