Անգլիայում թութակը, հրդեհի տագնապի ազդանշանի ձայնը նմանակելով, հրշեջների է «կանչել» (տեսանյութ)
Անգլիայում թութակը, հրդեհի տագնապի ազդանշանի ձայնը նմանակելով, հրշեջների է «կանչել», գրում է The Daily Sun-ը: Ժամանելով դեպքի վայր՝ հրշեջները հայտնաբերել են, որ ահազանգը կեղծ է:
63-ամյա տանտեր Սթիվ Դոքերին, լսելով հրդեհի տագնապի ազդանշանը, սարսափած վազել է հեռախոսի մոտ և հրշեջ ծառայություն զանգահարել, ապա հայտնաբերել է, որ ազդանշանի «հեղինակը» Ջազ անունով 17-ամյա թութակն է: Սթիվը չեղարկել է կանչը, սակայն մեկ այլ թութակ շարունակել է ազդանշանի ձայնը նմանակել, և օպերատորին թվացել է, որ այնտեղ, ամեն դեպքում, հրդեհ է բռնկվել:
Հրշեջները չեն կարողացել ծիծաղը զսպել, երբ հրդեհի փոխարեն տանը հայտնաբերել են «տաղանդավոր» թութակներին: