Թրամփը վախենում է կնոջ հրամանները կատարողի տպավորություն թողնելուց․ CNN
ԱՄՆ նախագահ Դոնալդ Թրամփը բողոքել է այն բանից, որ առաջին տիկին Մելանյա Թրամփի հրապարակային հարձակումները աշխատակազմի որոշ աշխատակիցների վրա, ինչպես նաև դրան հետևած կադրային վերադասավորումները տպավորություն կստեղծեն, որ ԱՄՆ նախագահը կատարում է կնոջ հրամանները՝ գրում է CNN-ը։
«Թրամփը, ինչպես ասում են, ցնցված էր առաջին տիկնոջ հայտարարությունից»,- գրում է թերթը։ ԱՄՆ նախագահը անակնկալի է ենթարկվել ազգային անվտանգության գծով խորհրդականի տեղակալ Միրա Ռիկարդելի հասցեին Մելանյա Թրամփի հնչեցրած քննադատությունից։
Թերթի տեղեկացմամբ՝ մոտ ապագայում լուրջ կադրային փոփոխություններ են սպասվում Թրամփի աշխատակազմում, և ԱՄՆ առաջնորդը գնալով ավելի է մեկուսանում։ Թերթը գրում է, որ այդ դրվագից հետո Թրամփն իրեն անկյուն քշվածի պես է զգում՝ բողոքելով, որ ինքը կնոջ «կրնկակոխ հետևողի» տպավորություն է թողնում։