Ռեմբրանտի «Գիշերային պահակախումբը» կվերականգնեն ուղիղ եթերում
Ռեմբրանտի «Գիշերային պահակախումբ» կտավի վերականգնման աշխատանքներին բոլոր ցանկացողները կարող են հետևել ուղիղ եթերով՝ տեղեկացնում է The Guardian-ը։
Նկարի վերականգնման աշխատանքները կսկսվեն 2019թ․ հուլիսին։ Աշխատանքներին կարելի է հետևել նաև թանգարանում։
«Դա կկատարվի բոլորի աչքի առջև և մարդիկ կարող են հետևել գործընթացին
երբ ուզում են և որտեղ ուզում են»,- թերթին հայտնել է Ամստերդամի
Գեղարվեստի թանգարանի տնօրեն Թաքո Դիբիթսը։ Տնօրենի խոսքով՝ սա շատ
ծավալուն նախագիծ է, որի իրականացումը կտևի մի քանի տարի և այն
իրականացնելու համար կպահանջվի մի քանի միլիոն եվրո։