Ֆրանսիայում պոետները երբեք չեն մահանում. Մակրոնը՝ Ազնավուրի հրաժեշտի արարողությանը
Բոլոր առաքինություններից նա կարեւորում էր հավատարմությունը. հավատարմությունն
իր ծնողներին, կնոջը՝ Ուլային, իր երեխաներին, հազարավոր ընկերներին: Նաեւ
հավատարմությունը Հայաստանին: Նա Հայաստանի ընկերն էր, դեսպանը, բայց նաեւ
որդին, որը վերադարձավ, երբ տեղի ունեցավ 1988-ի երկրաշարժը»,- ընդգծեց
Մակրոնը՝ հավելելով. «Նա ընդմիշտ կմնա մեզ հետ, որովհետեւ Ֆրանսիայում
պոետները երբեք չեն մահանում»:
Փարիզում Շառլ Ազնավուրի հոգեհանգստի արարողությանը ներկա են ՀՀ վարչապետ
Նիկոլ Փաշինյանը, ՀՀ նախագահ Արմեն Սարգսյանը, Ամենայն Հայոց Գարեգին Բ
կաթողիկոսը, ԱԳ նախարար Զոբրաբ Մնացականյանը, մշակույթի նախարար Լիլիթ
Մակունցը:
Սգո արարողությանը ներկա էին Ֆրանսիայի նախկին նախագահներ Ֆրանսուա Օլանդն ու Նիկոլա Սարկոզին, այլ բարձրաստիճան պաշտոնյաներ:
Հիշեցնենք, որ Շառլ Ազնավուրին վերջին հրաժեշտի արարողությունը տեղի
կունենա վաղը՝ հոկտեմբերի 6-ին, Փարիզի Սուրբ Հովհաննես Մկրտիչ եկեղեցում:
Հայաստանում եւ Արցախում եւս հոկտեմբերի 6-ը սգո օր է հայտարարված: