«Հայկական Մոսկվան». հայ մեծերի պատվին անվանակոչված մոսկովյան փողոցները (Տեսանյութ)
Աշխարհի տարբեր քաղաքներում կան մեծանուն հայերի ու Հայաստանի պատվին անվանակոչված փողոցներ: Այս առումով Ռուսաստանի Դաշնության մայրաքաղաք Մոսկվան բացառություն չէ: Բազմաթիվ հայտնի հայեր իրենց էական հետքն են թողել Մոսկվայի պատմության մեջ, ինչի շնորհիվ էլ հարգանք են վայելում քաղաքում:
rusarminfo.ru կայքը հրապարակել է ուշագրավ տեսանյութ՝ ներկայացնելով անվանի հայերի պատվին անվանակոչված մոսկովյան փողոցները:
Դատելով տեսանյութից՝ Ռուսաստանի մայրաքաղաքում կան Հայրենական մեծ պատերազմի հերոս Մարշալ Բաղրամյանի, հայտնի խորհրդային ավիակոնստրուկտոր Արտեմ Միկոյանի, Մոսկվայի առևտրային ինտիտուտի ուսանողուհի, Կարմիր գվարդիայի մարտիկ Լուսիկ Լիսինյանի, հայտնի ճարտարապետ Կարո Հալաբյանի, տաղանդաշատ կոմպոզիտոր Արամ Խաչատրյանի, ծովանկարիչ Հովհաննես Այվազովսկու անունները կրող փողոցներ: