Գյումրիում տղամարդը ջեռուցիչով և խոհանոցային դանակով հարվածներ է հասցրել այլ տղամարդու. (տեսանյութ)
Օգոստոսի 13-ին, ժամը 21:30-ին, ոստիկանություն է զանգահարել մի քաղաքացի և հայտնել, որ իր կնոջ քրոջ տանը դանակահարել է ծանոթին:
Ոստիկանության օպերատիվ խումբը դեպքի վայրում հայտնաբերել է վնասվածքներով մի տղամարդու: Նա տեղափոխվել է հիվանդանոց, որտեղ էլ ախտորոշվել է՝ գանգուղեղային բաց վնասվածք, արնահոսող վերք, կտրած-ծակած վերքեր, կոմա, աչքի հեմատոմա:
Ոստիկանության Մուշի բաժնի ծառայողները դանակահարություն կատարելու կասկածանքով դեպքի վայրից ոստիկանություն բերման են ենթարկել Հովհաննես Յանգյանին: Ըստ նրա՝ վիճաբանության ընթացքում էլեկտրական ջեռուցիչով և խոհանոցային դանակով հարվածներ էր հասցրել տղամարդուն, հետո զանգահարել ոստիկանություն:
Դանակը և էլեկտրական ջեռուցիչը առգրավված են: Հովհաննես Յանգյանը ձերբակալված է:
Կատարվում է քննություն: