Դանիայում առաջին անգամ նիկաբ կրելու համար կնոջը տուգանել են
Դանիայում առաջին անգամ մուսուլմանական հիջաբ՝ նիկաբ, որն ամբողջությամբ ծածկում է դեմքը, կրելու համար կնոջը տուգանել են: Կինը խախտել է օրենքը, որն ուժի մեջ է մտել օգոստոսի 1-ից, հաղորդում է DR հեռուստաալիքը:
Կնոջը ձերբակալել են այն բանից հետո, երբ նա Կոպենհագենից քիչ հեռու գտնվող Հերսոլմա քաղաքի առեւտրի կենտրոնում՝ էսկալատորի վրա, այլ կնոջ հետ վիճել է: Արդյունքում երկուսին էլ մեղադրել են հասարակական կարգը խախտելու մեջ:
Այնուամենայնիվ վեճի մասնակիցներից մեկը, որը նիկաբ էր կրում, խախտել է նոր դանիական օրենքը, ինչի պատճառով նրան 155 դոլարի չափով տուգանք է ներկայացվել: Նշվում է, որ եթե նա հրաժարվի տուգանքը վճարել, ապա գործը դատարան կփոխանցվի: