Թրամփը արձագանքում է Պուտինի հետ հանդիպմանը հաջորդած քննադատություններին
Միացյալ Նահանգների նախագահ Դոնալդ Թրամփը հայտարարել է, թե ընդունում է
ամերիկյան հետախուզության այն եզրակացությունը, որ Ռուսաստանը միջամտել է
2016 թվականի ԱՄՆ նախագահական ընտրություններին իր օգտին: Միաժամանակ, նա
շարունակում է պնդել, որ Ռուսաստանի գործողությունները չեն ազդել
քվեարկության արդյունքների վրա:
Երեկ Թրամփը լրագրողների հետ զրույցում անդրադարձել է տվյալ հարցին,
քանի որ Ռուսաստանի նախագահ Վլադիմիր Պուտինի հետ հուլիսի 16-ին
Հելսինկիում կայացած հանդիպումից հետո բախվել է թե՛ իր ընդդիմախոսների և թե՛ կողմնակիցների լուրջ քննադատությանը։ Նրանք պնդում են, որ պաշտպանելով Պուտինի տեսակետը՝ Թրամփը դավաճանել է ԱՄՆ հատուկ ծառայություններին և դաշնակիցներին։