Մալեւիչի նկարը Լոնդոնում աճուրդի կհանվի 9 մլն դոլար մեկնարկային արժեքով
Christie's աճուրդի տունը վաճառքի է հանել ավանգարդիստ նկարիչ Կազիմիր Մալեւիչի (1879-1935) կտավը՝ 9-13 մլն գնահատված արժեքով: ՏԱՍՍ-ի հաղորդմամբ՝ «Բնանկար» անվանումով 1911 թվականի նկարը կվաճառվի «Իմպրեսիոնիզմի եւ մոդեռնիզմի արվեստը» աճուրդի ժամանակ, որը Christie's-ը կանցկացնի հունիսի 20-ին Լոնդոնում:
Ստեղծագործությունը, այսպես կոչված, կարմիր շարքից է, որում ներառված նկարչի կտավներն «առանձնանում են էներգիայով լի վրձնահարվածներով եւ արտահայտիչ գույներով»: