Գերմանիայի արտգործնախարարը կոչ է արել ԵՄ-ին ուժեղացնել ընդլայնումը նախկին խորհրդային հանրապետություններում
Գերմանիայի արտաքին գործերի նախարար Հեյկո Մաասը կոչ է արել ԵՄ-ին ուժեղացնել ընդլայնվելը նախկին խորհրդային հանրապետություններում, փոխանցում է AP-ն։
Նրա խոսքով, Գերմանիան եւ Ֆրանսիան կարող են դառնալ Եվրոպայի վերաձեւավորման շարժիչ ուժերը։ Նա նշել է, որ Եվրոպայի արձագանքը ԱՄՆ-ի՝ «Ամերիկան առաջին հերթին» ռազմավարությանը պետք է լինի «Միավորված Եվրոպան»։
Նրա խոսքով, ԵՄ-ն ձգտում է Միացյալ Նահանգների հետ «բալանսավորված գործընկերության»։ Սա նշանակում է աշխատել Վաշինգթոնի հետ, որտեղ այն հնարավոր է՝ լրացնելով դատարկությունն այն ոլորտներում, որտեղից ԱՄՆ-ն հեռանում է։ Մաասը գտնում է, որ ԵՄ-ն պետք է շարժվի դեպի մեծամասնությունը եւ հրաժարվի որոշումների կայացման միաձայնությանից, որը դրդում է օտարերկրյա տերություններին պառակտել ԵՄ-ն։
«Մենք նոր արեւելյան քաղաքականության կարիք ունենք՝ եվրոպական արեւելյան քաղաքականության՝ կապված Վաշինգթոնի եւ Մոսկվայի միջեւ վտանգավոր լռության հետ, որը կմատնանշի դեպի Ռուսաստանի հետ համագործակցության նոր ուղիներ՝ ի շահ բոլոր եվրոպացիների»,-հայտնել է Մաասը։