Մակեդոնիան նոր անվանում ունի
Մակեդոնիան այսուհետ կկոչվի Հյուսիսային Մակեդոնիայի հանրապետություն: Այս մասին երեքշաբթի հատուկ մամուլի ասուլիսի ժամանակ հայտարարել է վարչապետ Զորան Զաեւը, հաղորդում է «ՌԻԱ Նովոստին»:
«Հարգելի հայրենակիցներ, մենք պատմական որոշում ունենք... Հյուսիսային Մակեդոնիայի Հանրապետության անվանունը՝ ընդհանուր օգտագործման համար բոլոր լեզուներով թարգմանությամբ», - ասել է կառավարության ղեկավարը: Ելույթը հեռարձակվել է Մակեդոնիայի հեռուստաալիքներով:
Նա հավելել է, որ համաձայնագիրը պետք է ստորագրվի Հունաստանի եւ Մակեդոնիայի կառավարությունների կողմից, ապա վավերացվի խորհրդարանում: Զաեւը հստակեցրել է, որ երկրի Սսահմանադրությունում փոփոխություններ կատարելու անհրաժեշտություն կլինի: Աշնանը հանրապետության քաղաքացիներին այդ կապակցությամբ հանրաքվե է սպասվում: